Manush chorel pe andre ando kher Foto: Henrik Montgomery / TT

Cini grupa kerel but kriminalne buchia

"Jekh hali grupa manush"
2:28 min

Jekh butchi so pandel buten anda kadala manush si e narkotika, but anda kadala manush len drogi aj kheren pala kudo kriminalne butchia, phenel o Jonas Öberg so si roditori på Brottsförebygganderådet.

Naj phares te djanel pe avri kon si ande kriminalno registra, phenel o Jonas Öberg khaj si roditori på Brå -  brottsförebyggande rådet, but anda kadal si manush so len drogi thaj len pe kriminalne buchianca sar choripe thaj phagipe thaj  kadal manush si ande intrego them.

Brå sikavel ande pesko rapporto ke 15 procenti anda kadal manush keren maj cerra 50 procenti anda sa e kriminalne buchia ando them thaj kana dikhel pe pe jekh 5 bershengi perioda dikhel pe ke kadal manush keren kriminalne buchia vi kana von aven palpale anda temlica.

Jonas Öberg phenel ke o socialo si te lel sama pala kadal manush so len narkotika ke o socialo si te bishavel kadale manushen te len kadal manush zhutipe.

Jekh so mukhlas e droga si e Eva Rohlsson, voj phenel ke kana voj lelas drogi chorlas voj but thaj phenel ke voj birijas te djukarel pasha chavorenge skoli te lishij daden thaj dejan so sas stressime thaj kana von mukhenas penge komputerura vaj butelara ando vurdon chorlas voj kodo atunchi.

Eva Rohlsson phenel ke voj dikhel sako djes bajura so voj birij te kerel so si kriminalno numa sar voj mukhlas e narkotika chi kerel voj kado ke naj lake musaj te kerel peske ilegalne love ke chi trobun la love pe drogi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".