"Romska berättare i Rinkeby" Foto: Stockholms Stads bibliotek
Nationalno

Vernissago ando Rinkeby "Romska berättare i Rinkeby"

"Romska berättare i Rinkeby"
4:15 min

Pe kurko si te avel jekh kenyvaki vernissago ando Rinkeby so si akhardo "Romska berättare i Rinkeby". E Gunilla Lundgren ramosarda lako angluno kenyva andektan trine romentza ando bersh 1972.

E Gunilla phenel amenge majbut pe o vernissago so si te avel pe kurko o 9 november pe o Rinkeby biblioteka mashkar e chasoria duj aj schtar pala missmeri.

Voj phenel ke kado si variso so voj de dumut khamelas te kherel aj ke khana voj dikhla perdal e 35 kenyvi so voj ramosarda dikhla ke 12 anda lende sas kherdine romentza aj ke kado vernissago si pe kadala desho duj kenyvi.

Voj majdur phenel ke si te avel rom pe tan so sas amime ando kadala kenyvi.

Voh phenel ke khana voj arisli andi Rinkeby ando bersh 1969 voj maladjili trin romani tjejaza aj ramosrada lako angluni kenyva aj von si te aven pe tan. Vi si te avel khaver rom pe tan so voj ramosarde kenyvi andiktan lentza.

E Gunilla vi phenelas amenge so kado snatchil lake ke voj ramosarda kenyvi andektan romentza.

Voj phenel ke kanagodi e vorba si problemi aj problemi vi kana den duma pa Rinkeby aj rom, si kadja ke naj khatargodi michto andi lumja mashkar e romane manush numa voj khamel te vasdel o khaver so si mashkar e rom sar for examplo o losh aj o jekhipe mashkar e rom. Aj kudo si o gindo te vasdel andi kado vernissago.

Sostar voj lape te ramol kenyvi romentza si o puchipe so voj phenel kadja pe.

Voj phenel sar voj arakhla jekh gruppa romen andi Rinkeby pe agor ando shovardeshto bersha so avenas anda Spanja khana voj sas sikamnitorka. Von avenas anda chorore tana vaj slum områden aj ke nas but pa rom ferdi e kenyvi khatar e Katarina Taikon numa lengi trajoski historia sas khaver aj pala kudo inkherdemo drom te ramov kenyvi romentza.

Pe agor phenel e Gunilla Lundgren ke voj azukherel khatar kado vernissago te avel jekh fiesta kaj si te avel dino kafe, sakuski, safto aj danso. Von vi si te sikhaven filmi te avel jekh loshako djes aj te sikhaven ke vi kado si jekh khotor anda o romano kulturo.

Tume ashundan so phenda e Gunilla Lundgren so si skiritori aj inkherel jekh vernissago pe kurke ando Rinkeby bibliotek mashkar o chaso 2 aj 4 pala missmeri.

Savore si akhardo so te si tume chansa zan kotche aj len tan ando lako kenyvako fiesta.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".