Foto: Peter Bressler/Sveriges Radio
nationalno

Kritika karing o regeringo ke kamen te len thele fritidspeng.

O regeringo planolij te lel tele e fritidpengar- kaj si zutipe shavorenge kaj trjin ande chorora familiji te birin te len odjalo ande aktivitetora. E Rädda Barnen daran ke kado lela effekto pe maj chore shavora .

-Shavoren truboj lasho volno vrama , ke baron maj but socialnje,sar manush thaj vi baron kaverentsa.Anda kodo importantnoj te den kodol resursora so si kadale shavorenge , penel e Elisabeth Dahlin. Kaj si generalno sekreterka pe Rädda Barnen.

De sar angluno juli shaj shavora kaj si ande maj chorora familiji len fritidspeng pe 3000 koroni ande jekh bersh. O bidrago si shavorenge te birin te keren aktivitetora, te kelen vaj te usin vaj te kelen lopta.

Ando budgeto kamen le lole-zelena, kusa supporto katar e Vänsterparti te shuden tele kado systemo kado bersh.

Kamen maj feder te bararen o supporto ando försörjning, kaj majanglal busholas socialbidrag si si savore shavorenge kaj si mashkar 7-18 bershenge.

Ale naj pevno ke te bararena e love ando försörjningstödet vaj socialbidrag ke birina le shavora te keren differentni  aktivitetora, penel e Elisabeth Dahlin kaj si generalno sekretarka anda Rädda Barnen.

E Åsa Regner kaj si shavorengi ministerka del supporto le regringos ke penel ke kado site avel jekh generalno supporto lovengo kaj chi sikavel najesa pe manush kaj si chorora.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".