Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Nationalno

Pensionsmyndigheten - Naj pe romani chib

Publicime måndag 10 november 2014 kl 12.49
Pansionsmyndigheten Naj pe romani chib
(4:22 min)
Pensionsmyndigheten informerar på åtta olika språk i Stockholm, Göteborg och Malmö. Foto: Kapi/Pensionsmyndigheten.

O Pensionsmyndigheten den 3,7 miljonoria kroni te avel informatcia pe khaver chiba. Kado si kharing e manush so avile ando Shvedo sar maj pure aj len o risiko te len maj xantzi pensia, kado phenel o Sten Eriksson so si komunitciako cherutno pe o Pensionsmyndigheten.

- Manush so arakadjili avrial o Shevdo sas len maj xantzi love tdino pe pansia sar e khaver, kadala trajisarda jekh maj skurto vrama ando Shvedo aj silen jekh maj baro bibutchiakimos. Skurto phendino kado shaj del o risiko te shaj les maj xantzi pensia aj atunchi si maj importantno amenge te arisas ka kudo gruppa.

Amenge pa Radio Romano avilo intresno savendar informatcia si pe e pencia pe romani chib. Ame mardam telefono ka o Sten Eriksson te las te zanas te si ke si informatcia pe romani chib

O Sten Eriksson da amenge o attveto ke te si ke khamel o manush shaj len infomatcia pe romani chib numa ke atunchi musaj o manush te lel kontakto kusa lengi service tana vaj o kundtjänst lengo. Numa naj len kado infomatcia pe lengo internetosko rik pe romani aj samiska.

Te si ke o manush mangel jekh personalno kidipe vaj personligt möte pe romani chib vaj samiska sas o dujto puchipe so ame vasdam kusa o Sten Eriksson.

- Ame shaj kheras kudo pe amaro service tana aj attunchi si ame personalno so shaj zutin pe kudo numa ke si jekh chira differensia pe kudo depende pe kaj ando tem rodes o zutipe.

Vo majdur phele ke o pansionsmyndigheten alosarda kado kampanja pe kadala diferentni chiba pala kudo ke dikhle kaj si jekh behov pe kado. Aj andi save gruppi trubul kado zutipe.

Pala kado ame maradam telefono kaj o kundtjänst pe o pensionsmyndigheten te las te zanas te si ke shaj traden amenge informatcia pe romani chib vaj te si ke ame shaj las jekh peronligt möte pe romani chib.

Aj o attveto sas jekh tsera khaver sar phenda amenge o Sten Eriksson

Pe arabitsko, serbitsko, angleshitsko, finlandsitsko, persiako, spanjolitska, turkitsko aj njamsitsko numa naj pe romani chib phenelas amenge o kundtjänst.

Pala kado ame vorbisardam parpale kaj o Sten Eriksson te las te zanas sar vo dikhel pe kado so o kundtjänst phenelas amenge.

- Kadja phende tuke....Apo me musaj te dikhav sostar von da tu kado atveto.

Pe o puchipe te si ke o pensionsmyndigheten kham nashtin te den infomatcia aj zutimos pe romani chib sar sas phendino o Sten Eriksson del kado atveto

O Sten Eriksson komunitsiako cherutno pe o Pensionsmyndigheten phenel ke shaj avela kadja ke nashtin te den e informatcia lendar pe romani chib numa vo musaj te dikhel pe dujto vorta sar si e situatcia lende.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".