Elena anda Rumunia xasarda lako bebeto. Foto: Ulla Öhman P4 Västernorrland
Elena anda Rumunia xasarda lako bebeto. Foto: Ulla Öhman P4 Västernorrland
Nationalno

Lako bebeto mulo aj chi la zutipe numa ke sas vasdino "Oroänmälan"

Rumuniako romani EU-migranto xasarda bebeto ando Härnösand
4:32 min

But si adjes pa o temato pa Eu-migrantoria aj e rumunitska manglitororia. Seguro but anda tumende dikhlan le, e zuvlia aj e mursh so beshen angla bolti kusa lengi vasteske ramosarde lila so skurto phenel lengo nikhaso.

Jekh anda lende si e Elena Stan so si 24-bershengi aj mangla de jekh shon aj dopash ando foro Härnösand, aj tala kudo vrama but kherdjilo ando lako trajo.

Andi Rumunia ashilo lako rom aj lengi duj glati so si shovengo aj ochtongo. E Elena phenel ke ando Härnösand michto zalas lenge o "pleasing" sar voj phenel. Voj phenel majdur e manush naj kadja rasistno ando Härnösand numa chill si.

E Elena phenel ke o maj lasho tan te mangel love si angla o Coop ando Härnösand. Tala o angluno vrama von sovenas pe o djedjes tan vaj tågstationen numa de jekh skurto vrama von soven andi jekh campinja pe jekh parkeringosko tan.

E Sara si jekh privatno manush ando Härnösand so zumavelas te zutil anglunes e Elena te arakhel lenge jekh tan kaj shaj soven khatar o socialo ando Härnösand.

E Sara vi marda krujal andi Komuna aj vi mashkar e khangeria te shaj lel zutipe kaj e Elena so atunchi sas pari, voj kherda kado te shaj aljarel khatar te lel o zutipe te si ke aves khatka anda Rumunia te manges.

- Mer khamavas sar te lel o manush zutimos te si ke avel khatka te mangel, Khamavas te zanav si varikaj kaj shaj soven kadala manush, Si varikaj kaj shaj xan vaj te len gada, Kaj shaj len zutimos te zan khere te si ke khamen te zan khere? Chi zanvas kanchi, rodavas pe interneto mardem telefono krujal.

De but kaj roda e Sara aj sa jekh chi arakhla kantchi.

E Elena sas atunchi pari ando eftato shon aj e Sara putchinda te shaj beshelas pe jekh tan vaj vandrarhem duj ariat. Majdur phenel o Ssra ke o socialo nashtinas te zutin numa ke sas pari e Elena chi pala kudo ke e Sara vasda jekh "orosanmälan" kaj o socialo.

O trandato oktober e Elena si akutno ingerdo kaj o Sundsvall spita khatar jekh butcharni anda o Pingstkyrkan aj kotche si kherdo jekh akutno "kjesarsnitt" pe late te shaj arakadjol jekh shav lake so ferdi trajil 15 minutzi. Voj vuchem toda jekh anav pe o bebeto so sas Emanuel.

E Elena sas la vuchem duj bebetoria so sas len sa kudo deformatcia so sas kaj o Emanuel aj nas lake jekh chuda te ashunel khana voj vuchtili anda lako narkoso ke vi kado bebeto mulas.

E Elena nashtilas te lel zutimos khatar jekh barnamödrarvårsd anda kudo ke nas la jekh Evropaki uniako insurenciako karta.

E Elena line patretcia pe lako bebeto aj phenel ke si importantno lake te garavel kudola te shaj dikhel peski bebetos.

Pala kudo ke e Elena phenel ke o bebeto mulo andi angali e Anna-Karingoski so kherel butchi ando Pingstkyrkan vasdelpe jekh nevi puchimata.

Kon inkherel o responsibilta te shaj lel spitako zutimos vaj dejakizutimos mödrarvård zuvlia sar e Elena so naj len jekh Eu-karta. So kherdjolpe lasa akhana sar mulas lako chav aj pala kudo ke e Sara lino e responsibilita te shaj avel groposardo o bebto ando Shvedo.

O Socialo ando Härnösand dine love kaj e Elena pe bersina te shaj arisen kheren andi Rumunia. Numa o gindo so si kaj e Elena si te avel parpale ando Shvedo aj vi but khaver gindoria sila sar for examplo ke naj len trajo andi Rumunia aj ando Shvedo shaj mangel aj te tradel love khere ka lako familja te shaj lel lake glati jekh trajo sa jekh andi Rumunia.

Ame pe Radio Romano sumavdam te las kontakto kusa e Rumunitska ambasado ando Stcokholmo te las te zanas savo respnsibilta silen len pa lengo citisensoria. Aj o intervju e Elenasa kherdas e Ulla Öhman anda P4 Västernorrland

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".