nationalno

Maj chorres shujinpe le terne sar pure

Sostar maj chorres shujinpe le terne
5:24 min

De 30 bersh kodoleske ande 80-berh sas kaveres atonchi sas le ternenge maj feder thaj le purenge maj chores.

Nevi statestika anda Centralbyrå sikavel ke adjes parodjilas e situatsia. O Sven Bremberg kaj si docento ande Karolinska institutsia penel sostar shaj avel kade ke le pure maj loshakej sar e thernijamata.

Le purenge adjes maj lashej le trajoske grundora,maj lashe ekonomishno situatsia sile sar de 30 bersh kodoleske. Thaj ke ande 80-bersh maj letko sas le ternenge te len bucha pala injato klassa thaj lenas vi dosta lashe love, maj cera zene sas bibuchako.

Ale chi chatches maj paro kerdjilas le ternenge ando Shvedo?

But rodimata katar Folkhälsomyndigheten pa shoverengo sastipe sikavel ke but ternjimata mashkar le bersh 16-24 shujinpe zurales chores atcharenpe, ando 80-bersh sas karing feri 15 procenti kaj shijinas pe chores, adjes si opral 40 procenti. Ame kamasas te shunas so penen le terne thaj vi maj pure pe kadi teoria. O Imme kaj pirel ande 8 klassa thaj si 15 bershengo penel sostar shaj avel ke le terne shujinpe maj chores.

Vof penel ke vi le shkoli bararen o stresso ande terne ke naj kodo zutipe so truboj thaj ke naj kade but fritid vaj vrama pe kodo so von kamen te keren thaj kezdij o manush te gindoj thaj barol o stresso.

E Angela kaj si 20 bershengi penel ke e luma parodjilas thaj but anda socialno mediaki doshi, ke le terne shujin press ke diken so si krujal ande luma thaj pe phure kodo chi lel effecto kade sar pe terne.

Thaj sostar vorta ando Shvedo atcharenpe le terne maj chores sar ande kaver thema sar kaj sikavel o rapporto katar o Socialstyrelse, penel e Angela ke o them cinoj sakofalo maj but dishjol so kerdjolpe tahj ke vi shudroj o them.

Kaj parodjilas o trendo thaj kerdjilas le purenge maj loshako o trajo shaj aven but motivora. O rom o Bogdan kaj si ande peske bersh penel sostar vof gindoj ke maj letko sas le ternenge o trajo majintik tahj sostar adjes si maj paro, thaj sar le maj purengi  situatsia si maj lashi adjes.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".