Migrationsverket Foto Tahir Yousef Sveriges Radio P4 Östergötland
Migrationsverket Foto Tahir Yousef Sveriges Radio P4 Östergötland
Nationalno

Naj vorta kherdine e chibake analyzoria ando Migrationsverket

Chibako analyzo ando Migrationsverket si chores
2:45 min

Kudola chibako analyzoria so si sar grundo pe e desitcie so len o Migrationeverket andi asylcasoria si doshako andi but casoria. Kado sikhavel jekh rodipe vaj granskning so o SVT Uppdrag Granskning kherda.

Aj kado shaj del chore konsekvensoria kharing e asylanroia so roden patcha ando tem aj len e desitcia te aven tradine parpale andi tema aj tana kaj von shocha nas maj anglal.

Kudol chibako analytikoria so sumaven te sikhaven khatar aven e asylantoria so roden patcha kaj o Migrationsverket si anonymno aj anda kudo chi zal te kheren kontrollo pe lengi edjucatsia vaj kompetenso. Byron Törnström si juriditchno vorbitoro vaj ombud kharing e asylantoria aj vi kritikil o systemo.

- Jekh analysraporto so si hasnime te avel tradino parpale jekh manush kaj si jekh potentialno risiko ke shaj avel mundardo, te avel kherdo sexualno sor pe lende, vaj surales mardo vaj so shaj avela musaj te avel kontrolisardo mange so si juristo so kusa jekh tsera musaj te lav sama pe o intressno muro klientonge, phenel o Byron Törnström.

O Sprakabs analysoria si kherde pala kharing 20 minutzi telefonosko kontakto kusa puchimata pe e regiona so o asylanto phenel ke avel anda aj vi vorbaki testoria te shaj den ando gor kusa o dialekto. Kado naj dosto gindin e expertoria ando lingvistik.

Vi sikhavel o rodipe vaj granskning so kherda o Uppdrag Granskning ke o Ea20 so si o chibako experto pe somalitska ando Sprakabs si so pala kharing e 5000 analysoria ke kudo manush hohada pa leski edjucatzia aj kompetenso aj vi si dino verdicto pe narkotikako kriminalno actsie aj vi pe daraimata vaj olaga hot.

Expertoria vi gindin ke naj chansa ke vo shaj zanel sa e dialektoria aj chiba so vo phenel ke zanel. Chi o experto pe somalitska ando Sprakabs vaj o firmako VD Pia Luu khamen te den komentaro pe o kritika.

- Me chi zanav kantchi pe kadala seriosno dosha vaj brister. Kantchi chi zanav te penav o chachimos.

Pala kudo ke o Uppdrag Granskning phenen kaj e Pia Luu ke voj shaj dikhel e puchimata aj e informatcia so von arakhle aj te kheren lasa jekh nevi intervju voj del o attveto ke kudo naj jekh garantia numa ke voj shaj dikhel anglunes e puchimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".