UNICEF
UNICEF
Nationalno

UNICEF kherel raporto pe e glati kharing EU-migrantoria

UNICEF kherel raporto pe glati kharing EU-migrantoria
2:32 min

E shveditska myndigheter si bisegurno pe sar te len sama vaj möta e glati kharing Eu-migrantoria. Kado gindil o UNICEF, so akhana kherel butchi te ankhalaven jekh raporto pe kadala glatengi chachimasko vaj rättsliga situatcia ando Shvedo.

E Christina Heilborn si programchefo pe o UNICEF

- Ame pe UNICEF daras vaj sam oroliga anda e glati so si tala 18 so si ando Shvedo kaj si bisegurno pe save surkomstencoria von si khatka. Uni anda lende si khatka lengi njamontza aj uni anda lende si khatka korkoro.

Uni anda lende ame dikhas le avri pe e droma aj kham mangen love. So ame dikhalm attunchi si ke e myndigheter ando Shvedo si bisegurno so gindjol lenge, pe save reguloria gindjol aj save chachimata si e glatenge. Kado si so ame khamas te dikhas pe maj michto.

O chachimos pe shkola e glatenge kharing e Eu-migrantoria si jekh anda e puchimata so avilo aktualno tala e vrama pala milaj. Andi uni shveditska kommuni aj glati shaj zan andi shkola aj andi khaver chi mekhen le andi shkoli. O skolverket nashtinas te den jekh atveto pe so si vorta aj naj.

O raporto khata o UNICEF si te avel gata pala milaj pe khaver bersh aj si te avel kherdino andektan kusa o Barnrättscentrum kaj o Stockholmosko Universiteto. Vi but frivilligorganisatcie si te len tan ando raporto te den jekh maj lasho patreto pe sar marshol chaches e situatcia.

O gindo si te del kado efecto pe e myndigheter aj kudola so len e desitcie.

Pala so ame ankhalavas aj e gropi so si aj shaj aven pandade khana avel ka e reguloria aj sakonoria aj e protectsia pe e glati, attunchi ame khamas o raporto te avel sar jekh suporto ando paruimasko butchi pe maj angle phenel e Christina Hielborn so si programchefo pe o UNICEF.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".