Barn till hemlösa, tiggande människor. Foto: Tova Kurkiala Medbo/Sveriges Radio
Barn till hemlösa, tiggande människor. Foto: Tova Kurkiala Medbo/Sveriges Radio
Nationalno

Stefanushjälpen zutin e EU-migrantoria andi Uppsala

Stefanushjälpen ando Uppsala
6:51 min

E rom andi Uppsala so si Eu-migrantoria aj mangen love vaj bashaven pe e droma len zutipe khatar jekh idealno kristianisko gruppa so sas vasdino andi jekh bari szoba ando jekh apartemento ando Uppsala.

E gruppa akhardjol Stefanushjälpen aj sas vasdino khatar o Micael Grenholm so si ordförande. Ame tradam ando Uppsala te zas andi foro te dikhas sar o Stafanushjälpen kheren butchi aj maladjilam kusa o Micael Grenholm so phenelas amenge so si o Stefanushjälpen.

O Micael Grenholm phenel mange sar las ame te piras ame pe le droma ando centrumo ando foro Uppsala ke lesko gindo pe o Stefanushjälpen aj te zutil e rom so aven anda Rumunia aj beshen pe e droma aj mangen love sas vasdino tala e vrama so vo trada ando Sydafrika te dikhel e chorore kotche.

Aj dape gindo sostar te na zal khere ando Uppsala aj te sumavel te zutil e romen kotche. Aj khana vo arislo khere vo lape te del duma manushentza pe sar te kheren te zutin kadala romen aj puterda jekh Facebook rik kaj vo mangelas zutipe manushendar pe kado djela aj vi ramosrad pesko bankosko numero te shaj ton love andre te shaj del zutimos e romenge.

O Micael socha chi gindilas ke sas te avel so kerdjilo pe lesko konto tala kudo vrama.

Vo phenel ke vo atcharels chudato ke avilo kadja but love aj vi phenelas ke but manush si so khamen te del zutimos numa na ando kuti so si angla lende khana mangel, maj feder den ka jekh organisovano instanso kaj von zanel ke arisel pe lashi djela e love.

Aj anda kado vo ej leske duj amigoria la e desitcia te kheren variso maj organisovano aj kadja si sar vasdape o Stefanushjälpen. Majdur phenelas mange o Micael ke kado trubuals te avel variso narmalno e manushenge ke khamen te azutin e choroe aj e manush so chaches trubun le o zutimos.

O Micael phenel majdur ke vo gindil ke majbut si e manush so chachimasa khamen te zuntin kadala manush sar kudola so naj lenge drago ke beshen aj mangen love aj ferdi khamen te dikhel ke kadla manush si tradine parpale ando phengo tem.

Khana vuchem pirdam kharing jekh dopash chaso ando jekh Uppsala kaj sas o kham pe cheri numa purdelas surales o barval aj davas man gindo sar kadala rom aj romnia birin te beshen pe e droma aj te mangen bi te nasvavon arislam ka e romni Doinita so la zutipe vorta khatar o Stefanushjälpen, aj pushlam latar sar voj atcharelas pe o zutipe so von denas la.

Pala kudo ke maladjilem kusa e Donita voj marda telefono te shaj maladjov lako romesa aj lake glatenza te shaj puchav vi lendar sar von atacharen pe o zutipe so o Stefanushjälpen del le len. Musaj sas mange te pirav jekh lungo drom o Micaelosa te shaj arisav lende aj khana arislen pe o tan kaj von sas dikhlem schtar glati so khelenas aj nashenas pala jekh khavreste.

Aj beshlem tele e romentza so beshenas kotche aj araklem o rom khatar e Doinita so busholas Oliver Luca so phenelas mange sar vo atcharelas pe o zutimos so von len khatar o Stefanushjälpen.

Aj pe agor vi jekh anda lengi glati e Marina so si injango khamelas te avel vi voj andi radio te phenel amenge sar voj acharel te avel ando Shvedo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".