Foto: Berit Roald /TT.
Foto: Berit Roald /TT.
Nationalno

So maj cera studenra kheren skolka

Lasho bajo si kado.
4:32 min

Thela ferik pari bersh csinjilas o kotos studenrura kaj chi zan ande shkola vaj kheren skolka. E siffra csinjilas katar e 2,9 procenti zi kaj e 1,7 procenti skirij o Svenska Dagbladet.

Ande pherdo skholi kherdzilas o skolk vaj e studentura kaj chi zan pe pe lektiji vaj ande shkola maj cera pe dopasheste. Thaj o atveto si ke le shkola obligatoricnie bishaven sms-ura kaj e studentonge dada thaj deja vana chi aven ande shkola, phenel o Stockholms stad.

Varekana khernas e sikavne telefono le dagenge thaj le dejange kana o studento vaj studentka chi avlas ande shkola. Ferik ke o adjesutno nevo systemo musa e sms si lasho, phenel e Nadja shtare shavorengi dej kaj trin anda lende majdur phiren ande shkola.

O nevo sms-systemo fajma chi del vorta la Nadja kam but zutipe phenel voj, ke lake shavora inkren e shkola mishto. Ferik ke phene ke genralnie kado dela le daden thaj dejan jek maj lasho dikhipe pe

majdur phenel e Nadja ke voj chi pachal ke kado systemp kusa sms avilov prblematicno adjes ke za lasihij e teknika.

Thaj e Caroline Gertoft anda Gärdesskolan, phenel ke kado zal automaticnie. Jek sms vaj e-mail le dadennge thaj dejange kana o shavoro chi avel ande shkola.

Le dada thaj deja dikhen positivno pe jek kasavo bajo phenel e Nadja, ferik ke birij te acharel ke kado le shavorenge si nadrago.

Thaj ando kado inkrel lasa ci laki chej e 12-bershegi Sandra kaj phirel ande shovto klassa ande Brandbergsskolan.

Kado si jek pilot-projektka kezdime ando foro Stockholm te kheren te aven e studentura majbut pe vrami thaj tena mukhen e shkola vaj skolk sar kaj bushol pe svedisko chib. Jek kotor anda kado si ke personalo anda Stockholms stad vaj foro anda socialo si ande shkoli te den le shavoren motivacia te phiren ande shkola thaj te inkren peski edukacia.

Kana jek studento naj ande shkola lel o vårdnadshavare, kodo manush kaj si les e reponsibilita po shavoro jek sms:a vaj mail katar e shkola. Thaj sako kurko khiden khetanes e studentongo resultato thaj si bishado khere le dadenge thaj dejange te dikhen kodo.

Ferik le la Sandrako maj phuro praj o santino kaj so ferik kezdisardas e gymnazia phenel ke angla leste le sms-ura katar le shkoli si jek lasho djelo, ferik ke acharel ke shaj avel vi jobbigt vaj na-drago vi leske thaj vi kaverenge.

Adjes birij jek dat vaj dej teregistrulij ke lako vaj lesko naj ande shkola, po internet vaj kusa jek applikacia ando telefono, jek fenomeno paj o Utbildningsförvaltningen, phenen ke kerdzol so maj popularno.

Te si ke jek shavoro naj but ande shkola vaj but kherel skolka si inkherdo direktnie jek khidipe kusa kodole studentosko dat vaj dej. Thaj kodol studentura kaj ferik tordzon ande korridorura thaj chi phiren ande lektiji si huchile katar e shkola resurs-team vaj gruppa te den le zutipe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".