Foto: AP, Tomas Oneborg och Bertil Enevåg Ericson/TT
Foto: AP, Tomas Oneborg och Bertil Enevåg Ericson/TT
Nationalno

E shavorengi konvencia 25-bershengi -shaj avla svedisko zakono

Shavorengi konvencia zakono?
5:07 min

Adjes zhojine pherdzol e shavorengi konvencia vaj o FN:osko barnkonvention 25-bershengo. Ando 1990-bersh skirisardas o Svedo thele e shavorengi

- Zanes tu soj e shavorengi konvencia=

- Chi zanav.

- Kado si ke intregi shavora si sa kade varti.

- Manush site aven pajtasha, thaj chachimata si so si chorres thaj mishto

- Shaj kheres sa kodol bajura ande intrego luma.

E Shavorengi konvencia si o temato mashkar le terne  studentura ande jek shkola ando Stockholm kana o Radio Sweden sas pe jek vizita. Thaj e konvencia shaj phenes ke si regulura khetanes khidine pa manushikane chachimata le shavorenge.

Ande unji thema ginadzol jek  konvencia sar jek zakono so ferik thele skirin la. Ferik ke ando Svedo si jek dualistiskt rättssystem, thaj musajij te shon e konvencia sar zakono te shaj ginadzol ande praktika.

Ferik ke kado nas inke kherdo kusa e shavorengi konvencia ando Svedo. Ferik ke o sherutno ministro ando Svedo o Stefan Löfven kamel te pharuvel kado, thaj kade phenlas vov ande regeringoski deklaracia ando oktober kado bersh.

- O Svedo si avel jek anda maj lashe thema te baron opre shavora- anda kode kezdij o regeringo jek buchi kusa o te kheras e FN.oski shavorengi konvencia te avel jek zakono ando Svedo, phenlas o Stefan Löfven thela e regeringoski dekleracia de paschi jek shon kodoleske.

Thaj kado si jek bajo kaj e Christina Heilborn, programoski chefojka ando Unicef loshal anda leste. Voj phenel ke kamel kado te aven sar kaj sas ando Norvego ke sas inkherdi e konvencia ando zakono ando 2003-bersh.

- Kothe dikhas ke e konvencia las jek maj zurali pozocija. Kaver si e attityda thaj o gindo mashkar e juristura thaj e mansuh ando makto kana avel pa shavorenge chachimata kana e koncencia si sar zakono. Thaj kana naj zakono atunchi maj letkoj te shudes kado pe righ, phenel e Christina Heilborn, programoski chefojka ando Unicef.

Thaj vorta o Unicef thaj but kaver organizaciji de but vrama keheren buchi kusa o pushipe pa e konvencia. Ando 2013-bersh shutas o phurano regeringo jek investigacia o te dikhen pe lashe thaj chorre righa kusa te kherene e shavorengi konvencia sar svedisko zakono.

Ferik ke e shavorengi thaj phurengi ministerka e Åsa Regnér acharel ke o angluno paso aba si lino.

- Anda kado aba chi kamen te rhoden ande kado pushipe, ferik ke kamel o regeringo te kehren kado pharujipe ando zakono. Anda kode aba naj amaro gindo ande kadi buchi chi kado avla ferik sar te kheras kado. Proposalura thaj modellura si sar shaj kheres te avel e shavorengi konvencia svedisko zakono, phenel e  Åsa Regnér.

Kaj voj kamlov po kaver bersh aba te avel jek gata proposalo pala milaj. Thaj o sherutno ministro o Stefan Löfven mezij inke maj positivno thaj phendas ando Ekot ke e shavorengi konvencia shaj avla svedisko zakono po mashkar ando kaver bersh.

Ferik ke sas vi kritika karing ke o regeringo chi zukarde po resultato zipon ghele avri ke e shavorengi konvencia avla zakono. Sar exemplo si ande konvencia fieretni goalura, sar kana avel kaj e shavorengo moralno progresso, thaj kado acharen le kritikura ke chi ilij ando zakono. Ferik ke kado chi acharel e Christina Heilborn, anda Unicef ke si jek problemo.

- Anglunes musaj te phenas ke e regulura ande konvencia si specificni. Ferik ke kodol regulura kaj si majbut inkherde, shaj aven hasnime adjes katar juristura ke vi kade musajij te kheren kado kana avel kaj jek nevo zakono. Vi ando soacialosko zakono pa shavora si regulura kaj trobuj te tlumachij o manush, E shavorengi konvencia si adjes 25-bershengi. Avilas e vrama te lel maj zuralo juridicno statuso, phenel e Christina Heilborn, anda Unicef.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".