Rom nakhen strukturalno diskriminatcia pe kherengo marketi
Rom nakhen strukturalno diskriminatcia pe kherengo marketi

Diskriminatcia pe rom pe kherengo marketi

"Si diskriminatcia pe rom pe kherengo marketi"
4:22 min

Pe kherenho marketi si jekh diskriminatcia akanak, kado sikavel jekh raporto so Boverket mukhlas avri kana von skirisarde jekh nulägesraporto.

Ande kado raporto - nulägesrapport sikadjiol pe kodo e rom si diskriminovane pe kherengo marketi akanak, phenel o Felix Törnqvist so si jekh anda skiritora khaj kado rapporto.

E rom si diskriminovane po kherengo marketi thaj von si normativno diskriminovano, kodo znacij kodo ke e kherenge gazdi dikhen pe rom sar chore gostura thaj atunchi alosarel pe te na del pe khera e romenge,

Kado phenel o Felix Törnqvist so skirisardas o rapporto khaj Boverket.

Boverket si themeski organizatcia thaj von si te len sama pala manushengo trajipe - boende.

Von si te phenen so si norma thaj kvaliteto ande kherengo trajipe.

Boverket line kadi buchi khatar Länsstyrelsen thaj kado raporto si jekh kotor ande romani inkludatcia so phenel ke o rom so arakhadjiol ando bersh 2012 si te avel pe sa kodo levelo sar jekh shvedano ando them.

E buchi kadale raportosa sas kerdo kusa kvalitativne medotura kusa intervjuer romenca thaj kherenge firmenca ande e 5 pilotkomuni so si andre ande themeski strategia.

O rapporto sikavel ke e romen naj sa kodi chansa sar kavere citizenton adjes te arakhen penge jekh kher thaj ke rom acharen pe diskriminovane pe kherengo marketi.

Thaj o raporto sikavel vi kodo ke zurales phares si te sikavel pe kadi strukturalno diksminatcia kusa konkretne bevis ke but anda kadal buchia naj sikade ande lila feri si kerde vaj phende.

Kado phenel vi e Rosita khaj si jekh finlandicko romni khaj mangelas jekh maj baro kher po interno parujipe ande jekh khereski firma.

Sa sas mishto thaj voj sas akhardi te dikhel o kher, numa kana dikhle la e kherengi gazdi parudjilas sa.

Rosita phenel ke von parudjile kana von dikhle lake romane ghada, e gazdi phende ke voj len chores acharde numa e Rosita phenel ke voj achardas len mishto.

Voj sas akhardi po adresso te dikhel o kher, sa sas gata.

Problemo sas ke von chi djanenas ke voj sas romni pa telefono.

Phares si te malavel pe tele kasave buchia kana naj konkretno bevis, thaj kado sikadjiol vi khaj diskrimineringsombudsmannen.

Ke kote si 20 procenti anda sa e buchi pa diskriminatcia so si pe kherengo marketi khatar e rom thaj dopash anda sa e buchi so djan ande krisi pa rom nakhel kodolesa ke e rom keren jekh dealo thaj njerin.

Problemo si po kherengo marketi na feri pe rom feri pe but manush so mezin ekcera maj kaver vaj inkren jekh kaver anav thaj e kherenge firmi garaven pe pala penge reguli.

Kherenge firmi inkren pe butivar pala jekh kherengo systemo thaj e firmi pachan zurales ande pengo  thaj phenen ke kana si jekh systemo chi birij te avel jekh diskriminatcia, numa kade naj, shaj te avel vi kade diskriminatcia, phenel o Mikael Nilsson so sas projektledare pe kado rapporto.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".