Khatar e krisi ando "Judgement in Hungary"
1 av 2
Khatar e krisi ando "Judgement in Hungary"
Eszter Hajdù regisoro anda e filma.
2 av 2
Eszter Hajdù regisoro anda e filma.
Internationalno

"Judgement in Hungary" - Eszter Hajdù

"Judgement in Hungary"
5:54 min

Pe kado bershesko Roma Festival so inkherel o ReOrient sas sikhado e filma Judgment in Hungary vaj Krisi ando Ungro. Kado filmo si jekh filma pe o pervo seriako mundaripe pa rom ando Ungro tala e bersha 2008 aj 2009.

Shov rom sas mundarde aj jekh anda lende sas jekh pansh bershengo romano chavoro. Ando bersh 2011 vasdape jekh kris kharing sztar ungriko neonazi aj inkherda duj aj dopash bersh.

E Eszter Hajdu so si o regisoro phenel amenge pe Radio Romano sostar voj alosarda te kherel kado filmo.

- De desh bersh khamavas te kherav jekh filmo pa e diskriminatcia kharing e rom so vi si ando Ungro aj vi khaver pashe tema. Nas dosta o gindo numa trubulas vi jekh tema vaj ramka aj kado krisi sas jekh perfecto ramka te shaj kherav o filmo.

E krisi sas jekh puterdi krisi aj anda kudo but maj vuchoro sas te kherel e filma, so e Eszter musaj sas te kherel sas te zal ka sa e romane familji, te zal ka e neonazi so sas vasdine ando kris aj vi te zal kaj e manush so kherenas e krisi te len lengi vorba ke naj problemo ke von ditchon andi filma.

Numa so khamelas e Eszter te sikhavel kada filmasa?

Voj phenel ke khamelas te sikhavel sar zal jekh rasismo kris ando Ungro aj te shaj aljaren korkoro so sas bi te len jekh directno gindo vaj mesago.

Tala e vrama so sas kado serialno mundaripe pa e rom nas jekh baro empatia mashkar khanikas ando Ungro. E Eszter phenel ke jekh problemo sas ke e media ando Ungro chi raportulinas sar trubulas anda kudo ke sar voj gindil e media ando Ungro si surales andi ziganistno.

E rom so sas pashe familja e romenge so sas mundarde chi line chi empatia khatar e manush so trajinas pe jekh gor lentza phenel e Eszter.

E rom khamenas te sikhaven lengi tragedia aj vi lengi trauma kaj sa e Ungritsko manush aj anda kudo nas pares te kherel lentza butchi phenel e Eszter.

E filma sas vuchem sikhado pe but festivaloria krujal e Evropa aj e ungritska manush but azukherde khatar e filma. E Eszter phenel ke surales lashe kritika vasda ando Ungro.

Pe o puchipe te si ke voj darajli khatar e neonazi ando Ungro tala e vrama so voj kherda e filma te avel variso lasa vaj laki familjaza voj kadja phenda amenge.

Voj phenel ke voj chi paruda so von phende aj ke o patreto so sikhavelpe andi filma si o chacho patreto aj anda kudo vi lenge sas drago e filma.

Majdur vi phenel ke voj lel inkhe lasho  gindoria khatar e rom pa e filma ej ke von najisin ke voj kherda kado filma anda kudo ke si but gava kaj sas mundarde rom aj nas kontacto mashkar e rom aj gaze so trajinas ando kudo gav aj khana voj avel aj sikhavel e filma vasdelpe jekh diskutcia mashkar lende so socha nas.

Voj majdur phenel sostar voj gindil ke si importanto ke kado filma si.

E Eszter gindil ke si importantno te vasden tematoria so si tabu ando Ungro, ke khana sikhade e filma anda gor but manush den duma pe jekh politikatno korektno drom aja pala kudo avel polokes angle ke len silen sa kudo gindo aj dikhipe pa e rom so sas kaj e manush so sas dine opre pa kadala mundarimata.

Voj vi phenel ke te avinosas kado filmo angla sa e mundarimata voj chi gindil ke sas te avel ashado te avel kado kherdo sa jekh. Voj vi tol dosh pe o majoritetno samhälle ando Ungro anda kudo ke mekhle e rasistno gindoria te aven kadja baro ando tem.

Trin anda e schtar mursh sas convictovano pe mundaripe aj sas dine temnitza pe trajo aj o schtaro sas convictovano pe zutimos pe mundarimos aj sas dino 13 bersh temnitza.

Sa e schtar kherde apilatcia aj akhana si azukherdo jekh nevi krisi kaj o maj baro krisi ando Ungro aj e Eszter Hajdu phenel ke lako gindo si te kherel jekh dujto filmo kotchar.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".