Barnombudsman Fredrik Malmberg. Foto/ Sveriges Radio
Barnombudsman Fredrik Malmberg. Foto/ Sveriges Radio
Nationalno

BO kamen te zuraren EU-migrantonge shavorenge chachimata

Chi zanen le komuni so te kheren.
5:46 min

O Barnombudmannen vaj o departemento kaj protectulij shavorenge chachimata las sama ande paluni vrama ke Eu-migratonge shavora chin len peske chachimata pala Fn-koventia, sar kaj trobuj.

Kado si pa shavora kaj nashtik zan ande shkola thaj kodol kaj trajin ande temporarni, na securni khera kaj naj prondo vaj paji, phenel o Fredrik Malmberg shavorengo ombudsman.

- Acharav jekh dar anda kadal shavora. Vi anda kodo ke lam signalura katar le kommuni ke naj le zanglipe sar te kheren ande kadal pushimata. Thaj atunchi kamas ame kodol departementura kaj si reposinilno pe kado, chi von acharen ke o zakono si dosta vorta vaj virazno lenge, chi si te den informcia pa leste vaj o te zuraren o zakono, phenel o Fredrik Malmberg shavorengo ombudsman.

O Barnombudmannen si les e buchi te representulin le shavorenge thaj terne manushenge chachimata thaj interesi pala le Svedosko phanglipe pala FN:oski konventia pe shavorenge chachimata vaj e shavorengi konventia sar kaj bushol.

Kado si muri buchi, te las sama pala shavora kaj si ande amaro them kathe thaj akanak, phenel Fredrik Malmberg, majdur.

- Anda kode sas mange kade importatno te zanav chi len departementurakaj si le resposibilita pe shavora te acharen ke zial la shkolasa sar trobuj kadale shavorenge, thaj ke si jek protecia intregone shavorenge kaj si ande jek phari situacia. Me kamos te zanav chi kado funktionij  anda kode me akhardem pe kado khidipe, phenel o Fredrik Malmberg.

O Shahorengo ombudsman  vi si te kheren buchi te inkherdzol e shavorengi konventia sar kaj trobuj thaj ke buchi karing le shavora zal vorta pala pala e shavorengi konventia. Ferik ke le EU-migrantura thaj lenge shavora si ando Svedo de dosta lungo vrama, sostar si kado pushipe vazdino akanak? O Fredrik Malmberg del ame o atveto majdur.

- Ame de lungo vrama vazdas o pushipe pa shavora kaj si bi lilengo, vaj garade vaj kam na ande jek legalno kondicia ando Svedo, thaj lengi situacia. Kado naj nevo pushipe amenge, ferik ke kana avel pa shavora le EU-migratonge avilas akanak reakciji thela paluni vrama, pa lengi shkola thaj ke butivar trajin ande zurales na-securni kondiciji. Majbut pushimata aven katar le komuni kaj phenen ke chi zanen so te kheren. Anda kode ame samas ando kontaktko le depratementonsa o paluno bersh, ferik ke akanak achardam ke chaches trobuj te akharas pe jek khidipe te dikhas so kherdzilaspe, phenel o Fredrik Malmberg.

Kaj majdur phenel ke importatnoj te des tu gindo ke kadal shavora chaches si varekaj ande jek kommuna. Thaj atunchi trobuj kodi kommuna te zianen so te kheren kodole shavorensa. Thaj akanak avile andre le atvetura pe problematika katar le departementura.

-  O Socialstyrelsen dine atveto, thaj phende ke te truboj shavoren medcinicno zutipe si kado virazno, thaj ke chi sosko shavora nashtik o tena lel zutipe. Thaj ke si ke trajin chorres, atunchi trobuj intregone shavoren sa kodol chachimata, thaj e socialos sa kodi responsibilita pe kado. Kado kam naj nevipe ferik ke angla mande importanoj te len e departementura kadi informacia karing peste, phenel o Fredrik Malmberg.

Kaj majdur phenel ke le shavora le EU-migratonge kaj si le skurti viziti ando Svedo ferik ke si kathe butiviar trin shon vaj maj cera, kherel kado o zakono te avel komplikovano ando Skolverket kaj akanak skirisarde ando regeringo ke dikhen serioznie pe kado pushipe, phenel o Fredrik Malmberg shavorengo ombudsman.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".