Studentura sitcion ande skola Foto: Skoob Salihi/SR.
1 av 2
Studentura sitcion ande skola Foto: Skoob Salihi/SR.
Hans Caldaras Pedagogo po Forum för levande historia Foto:Adam Szoppe/Radio Romano
2 av 2
Hans Caldaras Pedagogo po Forum för levande historia Foto:Adam Szoppe/Radio Romano

Djanen e studentura dosta pa e Rom?

"Studentura chi djanen ke e rom aven anda India"
7:24 min

Romane aktivistura phenen ke naj dosta djanglipe pa rom mashkar e studentura ando them, Radio Romano gelas khaj Forum för levande historia te djanas.

Ame anda Radio Romano tradam khaj Forum för levande historia te maladjivas jekhe romesa so kote kerel akanak buchi kusa e exibitcia vi är romer.

Ame gelam kote te shunas khatar e buchiara so von dikhle tela peski vrama kadala buchiasa.

E romane buchiara po forum för levande historia maladjion sako djes skolenca studentonca thaj sikavnenca thaj von inkren seminariumura lenge thaj e studentura birin te pushen pushimata khatar e guidura.

Ame areslam tetehara thaj sas te maldjuvas kusa o Hans Caldaras khaj si romano aktivisto 50 bersh thaj inkerdas shela seminariumura maj angle pa rom thaj romengi historia ando them.

Tela kodi vrama so ame djukardam po Hans sas kote jekh kaver klassa thaj shunenas pe jekh kaver romano guido so vorbijas pa e exibitcia thaj pa rom ando Shvedo.

Kote sas but patretura pe pindjarde rom thaj pe rom so naj pindjarde thaj tela e patretura sas kadale romengi historia.

Hans Caldaras avilas pala duj minutci thaj ingerdas man opre ande jekh soba khaj vov delas amen kava.

Kana beshlam tele phendas o Hans Caldaras ke vazno si kado so von keren akanak ke len si chansa te vorbin terne studentonca pa romani historia thaj kultura thaj kado shaja te malavel tele e nasul ghindura pa e rom.

Hans Caldaras phenel ke von dikhen pe sako djes maj cera 3 klassenca thaj atunchi vorbin von pa e historia kultura, diskriminatcia thaj antiziganismo.

Vov phenel ke naj lashio djanglipe pa e rom mashkar but studentura, but studentura chi djanen kanchi pa e rom, but anda lende china chi djanen ke e rom avile anda India.

Adjes ghindon but studentura ke e rom aven anda Rumunia.

Hans Caldaras holjajvel ekcera kana vorbisaras pa e studentongo djanglipe pa rom, vov phenel ke vov thaj kaver rom inkerde aba informatcia pa rom 50 bersh thaj sa kodol atvetura den von pe sa kodol pushimata.

Hans Caldaras dosharel a skola ke e studentura chi djanen but pa e rom ando Shvedo thaj phenel ke si variso so inkrel tele o djanglipe pa e rom ande skoli.

Vov phenlas vi kodo ke vi te sas e rom 500 bersh ando shvedo chi skrij pe but pa kado ande kevni.

Kadale ghindonca ulilem me tele pa trapti thaj gelem te shunav so o kaver guido vorbijas e studentonge.

Domino Kai kerel kote buchi sar pedagogo thaj vorbijas vorta agorijas pesko vorbipe.

Ame hucildam 2 sikavnen anda Strandskolan so si jekh skola khaj inkrel 9 klassi.

Marie Loman si jekh anda sikavne thaj voj phenel ke voj sitchilas but tela kado vorbipe so o Domino kai inkrelas. Voj phenel ke sitchilas but pa historia thaj kodo ke e rom sas sklavura but bersh ande rumunia.

E Maire Loman thaj e kaver sikavni e Therese Karlsson phenen ke adjes si e studentura te djanen ke si 5 nationalne minoritetura thaj ke lengi chib si jekh nationalno minoritetno chib.

Kana pushlam ame lendar khatar von len pengi fakta pa e rom phende von ke von musaj te roden but korkori po internet thaj ke adjes si intregi 3 patra pa e rom ande nevo samhällskunskap kevnia...

Vi te mezij kado but naj kado but phenel e kaver sikavni e Therese Karlsson.

Numa so pushen pe e studentura khatar penge sikavne kana von inkren e lektci?

Save fördomar si e studenton kana von beshen ande klassa?

E Marie Loman asal ekcera thaj phenel ke si but fördommar thaj kodol si ke mursh inkren zurales e familja, ke rom hohaven, traden but thaj kamen barvalipe.

Boldam ame khaj o guido Domino Kai te pushas amen vaj kadal mytora si chache.

Domino kerlas anda Shero ke kade naj, numa ke but manush shunen variso kasavo varikastar thaj pala kodo keren von kodi fiktcia sar jekh chachipe ande pengo shero thaj kodo kerel ke kadal dile ghindura trajin maj dur.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".