Påven Franciskus. Foto: TT
Påven Franciskus. Foto: TT
Internationalno

Adjes lelpe o bitchinimos anda o Papa de romasko kalott

Mujo Halilovic pe o Papa de romasko kalott
2:40 min

Adjes lelpe o auktions bichinipe pe o kalott khatar o papa roma Franciskus ando Stockholmo pe o auktionskher bukowskis.

Ame pe Radio Romano lam jekh mailo khatar o Bukowskis kaj von ramon ke len naj len dosta zanglipe te den ka lengi kundoria pe kaj si te zal e love, sar si e situatcia e romenge andi evropa, so trubun e rom angla o jiven aj sar si e situatcia e romenge so si eu migrantoria aj trubun te zan ka doktoria.

Ame lam kontacto kusa o Mujo Halilovic anda RIKC romsk informations och kunskapscenter ando Malmö so si sar jekh zutimasko vas kaj o stiftelse so si vasdino te vulaven e love so kado kalott anel andre.

Kadja phenelas o Mujo pe le puchimata so ame lam khatar o Bukowskis

O Mujo Halilovic phenel ke sar vo gindil trubulas te avel dosta ke o Carlos Luna phenel ke e love si te zan kaj le rom so trubunle o majbut aj ke vo chi zanel maj konkretno kaj si te zal e love.

O Mujo phenel majdur ke vo gindil ke trubulas te avel kado majbut vasdino andi media te vasdelpe o intresno aj o zanglipe pe o Bukowskis.

O Mujo phenel ke vi o Carlos Luna aj o Bukowskis trubunas te kheren majbut reklama andi media specialno pala kudo ke o Bukowskis chi len kantchi te bitchinen o kalott.

Vo vi phenel ke o Carlos Luna aj o stiftelse so si vasdino si te vulaven e love so o kalott anel pe o maj feder drom kotche kaj trubul. O Mujo phenel majdur  ke vo chi ashunda kantchi konkretno pe soste si te zal e love.

O Mujo Halilovic anda o RIKC agorilpe te phenel ke pares si te avel jekh konkretno gindo pe kaj te zal e love khana chi zanen sode love o kalott del aj vi ke totalno o responsibilita si todino pe o stiftelse te len kado desitycia kaj te arisel e love.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".