Energidrycker kan komma att få en maxgräns för koffein. Foto: Janerik Henriksson/TT
Foto: Janerik Henriksson/TT
Nationalno

Energiako dricki naj michto e manushenge

Energiako drinkoria si surels darane vaj farliga
5:03 min

Jek nevi medicinicno studia sikhavel ke ezera shavora ando USA sako bersh len seriozni ileske problemura thaj epilepsia pala ke pile energiake paja. E doktora pala studia varnulin vi ternjimaton thaj vi bare manushen te pen energiake paja thaj lengo effekto po ilo thaj po cetralno godjako systemo.

Kadi studia pa enerigiake paja sas kherdi thela pherdo bersh thaj sas prezentulime akanak thela jek kongresso ando USA inkherdo specialistonge po ilo ando USA.

O 26-bershengo Luciano las te pel Redbull thaj kaver enegiake paja so ferik avile avri de but bersh kodoleske. Thaj phenel ke pala jek vrama las sama ke kherdzilas addictovano pe lende.

E rhoditora kherde analyzacia pe sako jek larmo kaj avilas andre thela trin bersh ande e amerikaniska otrutake centralura, kaj sas jek baro kotor anda le larmura pa energiajake paja.

Paschi dopash anda kodol akutni larmura kaj avile andre sas pa shavora unji thela e shove bershenge kaj phile energiake paja thaj sportovi paja kaj si andre uche levelura koffeina.

Jek trito kotor anda le shavora sas le kasave zurale symptomura ke trobujas le bolnjicako zutipe, thaj unji nasvajle kade zurales ke trobujas le intensivno zutipe.

Ferik ke o Luciano phenel ke kana avile avri kadal paja nas kadi informacia avilibilno. Thaj kado kherdas ke vov zurales but phelas anda lende thaj chi gindojas chi kado si skodlivo leske.

Chi achares e addicia fyzicnie phenel o Luciano, ferik ke kana sichos pe lene chi achrel pe o manush sar kaj trobuj bi enegiako pajesko.

O Luciano phenel ke securnie si chachi informacia ando rapporto pa le ennergiake paja. Ferik ke vov sajek fajma chi shudela le energiake paja safsiom.

ferik ke le Lucianoski romnji e 22-bershengi Patrina chi inkrel lesa. Thaj phenel ke pala kadi studia chi trobujas konik te pel energiake paja. Thaj ke voj pachal ande kado rapporto.

O rapporto acharen ke sikhavel kodo so le doktora phende thela but bersh ke uche levelura koffeina thaj cukro shaj aven direktnie skodlivi manusheske, majbut shavorenge. Ferik ke vi ternenge thaj maj phure manushenge. Anda kode andas o Bosse Axelsson andre jek limita pe 18-bersh sakoneske kaj kamel te khinel energiako paji ande leski habeski bolta ando Husby.

- Sas ame dialogura kusa le dada trhaj deja, kana dikhlam e na le vorta kundura khinas le paja, ke za terne sas. Atunchi ghelem pe internetooski patrin ando Livsmedelsverket thaj dikhlem pe textura kaj varnulin pa kadal paja. Atunchi achardam me ke kadi si jek phari decsiija, thaj amen si 18-bershengi limita pe energiake paja, phenel o Bosse Axelsson kaj si les habeski bolta ando Husby.

Typicni symptomura kana o manush otrulij pe katar le energiake paja si krampura, vaj ke izdral o manush vaj navet attackura kaj anen pe epilepsia. O 24-bershengo Vincent anda Stockholm phenel ke vov jokvar achardas ke chorres sas leske pala za but energiake paja.

Le kravura akanak si pale vazdime katar le medicinicni expertura te avel maj zuralo dikhipe kaske biknen energiake paja, kaj phenen ke ande jek cini pushka energiako paji shaj avel andre shtarval majbut koffeina sar ande jek pohari kava.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".