Phares te len eu-migrantura bolnicako zhutipe
Phares te len eu-migrantura bolnicako zhutipe

Phares te len zhutipe Eu-migrantura

"zurales phares si te len kadal manush bolnicako zhutipe"
4:11 min

Chi djanel pe sar te kerel kana naj e manushen europako insurako lil, kana eu-migrantura mangen zhutipe.

Phares si djuvliange te len zhutipe, phenel e Ulrika Falk anda räddningsmissionen ke e bolniciake thana mangen love khatar kadal Eu-migrantura thaj len naj kodol love.

Linda Stomberg zhutij Eu-migranton ande Borås.

Vi voj phenel ke zurales phares si te len djuvlia zhutipe, kana si telune infektci chi djan e djuvlia khaj doktora von nasvajven butivar maj but.

Feri kana si chaches akutne nasvalimata thaj dar anda manushesko trajo djan e Eu-migrantura thaj mangen zhutipe.

Kado si jekh problemo ando them, ke chi djanel pe sar te kerel pe kana e Eu-migrantura aven thaj mangen zhutipe thaj naj len kado europeisko insurako lil.

Naj chache reguli sar te inkren pe e bolniciake thana.

E manush so trajin ando shvedo bi lilengo shaj te len zhutipe numa vi kodo si chachimasa kana si akutno thaj ande but thana dikhel pe pe Eu-migrantura sa kade, numa dur ande sa thana.

Jonas Andersson si anda folkpartiet thaj sherutno ande hälso- och sjukvårdutskottet ande Västra Götaland.

Vov phenel ke trobujas te vel sa kade pe Eu-migranter sar pe kodol manush so si ando them bi lilengo.

Johannes Moskin kerel buchi ande organizatcia läkare i världen, kodol si doktora so zhutin manushen volontarne.

Vov phenel ke ande praktika chi djanel pe ando Shvedo sar te kerel pe kadale manushenca, phares si ke e bolnici mangen love pa doktoronge viziti thaj e manushen naj love thaj kodo kerel ke e manush chi djan te mangen zhutipe thaj nasvajven maj but.

Vov kamel te maladjion e sherutne politikura ando them thaj te keren variso te lashiajvel e situatcia thaj te aven reguli so savori djanen.

Kodo ke naj chache reguli thaj ke e bolnici chi djanen sar te nakhaven kadal buchia lel pe vi sama po Socialstyrelsen.

E doktora musaj te zhutin e manushen so si zurales nasvale, phenel o Elis Envall khaj si utredare po Socialstyrelsen

Maj vazno si te lel pe sama pala manush na te dikhel pe vaj len si love te pochinen vaj na.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".