I en operation i oktober beslagtog Tullverket 10 000 piratkopierade produkter i 300 kontroller på flygplatser och hamnar i Stockholm, Göteborg och Malmö. Foto: Sveriges Radio och TT
I en operation i oktober beslagtog Tullverket 10 000 piratkopierade produkter i 300 kontroller på flygplatser och hamnar i Stockholm, Göteborg och Malmö. Foto: Sveriges Radio och TT

But hohavne pirat kopi aresen ando Shvedo

"Kadal bajura si ilegalne"
4:27 min

So maj but ilegalne kopi pe diferentne buchia aresen ando Shvedo, Tullverket dikhel ke parudjilas o mönster.

Jekh vestegastsia ando Oktober hushidas o Tullverket 10.000 produktora kaj si pirat kopi tela 300 kontrolli pe airoplanongo than thaj peren ando Stockholmo Geteborgo thaj Malmö. O tullverket dikel neve djelora kaj aven andre thaj kusa o E-handel barile le pirat kopi, thaj naj aba feri tjasora tha gada, feri sa,..kathar le matorenge delar dji kaj le sminki, pasta dandengi, proshko tojimasko.

O shvedisko handel aba dulmot vasdas e jaka po problemo kusa le pirat kopi, navet vi kerdas e branschaki organisatsia rapporto pa kado ando 2012 bersh. Thaj kote sikadjilas ke o illegalno importo lel andre karing 15 milijardora koroni ande jekh bers ando Shvedo, kado si karing duj procenti anda shvedisko detalj handels love so len andre tela jekh bersh.

O Jonas Arnberg penel ke dokladnje chi zanen sode love djal pe pirat kopi ke po kalo sako falo djal thaj naj jekh offecialno statestika, ahle ke kanchi chi sikavel ke kado bajo cinjol.

Vof vi penel ke te alosarasa te pandavas le jaka karing kado acceptulisaras le organisatciji kaj keren kado thaj das supporto pe kriminalno akteviteto thaj tena kerla o myndighet variso pa kado bararen e buchi kadalesa.

Le piratkopi rumoj o konkuranso thaj vi rumoj e marka pe djelora. Le bare pushinimata ando shkato thaj momso hasajven thaj vi but bucha thaj vi kodo kerel ke hasajven bare koshti.

Ahle sar te zanel o manush ke kana kinel pa internet ke chachej le djelora thaj ke naj kopi? O jan Bertoft kaj si generalno sekretaro ande organisatsia Sveriges konsumenter , penel ke paresi te zanes, ahle ke shaj gindos te kines djelora pe kasave riga po internet kaj zanes ke si seriosni, ahle ke o obovjonsko perel pe le firmi thaj myndighet so perel po shvedisko marknad thaj te birij o manush te kinel securnje.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".