Stefan Löfven phenel ke Socialdemokraterna djan korkori ando alosaripe. Foto:TT
Stefan Löfven phenel ke Socialdemokraterna djan korkori ando alosaripe. Foto:TT

Socialdemokraterna djan korkori ando alosaripe.

"Amen avla amaro budjeto"
3:08 min

Aratchi phendas o Statsministro Stefan Löfven ke Socialdemokraterna djana korkori andre ando nevo extra alosaripe so avla 22 mars po kaver bersh.

Löfven phenel ke o jekhutno budjeti sas tele alosardo thaj akanak kerna Socialdemokraterna korkori pengo budjeto.

Pala aratchutni informatcia khatar o Statsministro mangen akanak vi kaver socialdemokratura te shinel e partia savshiem kusa Miljöpartiet.

Niklas Karlsson si sherutno ande Skånes socialdemokrater thaj vov phenel ke e partia musaj te del pe ghindo zhi pun e partia shiol pe andre ande diferentne konstelatci angla alosaripe 22 mars.

Niklas Karlsson phenel ke e partia trobuj te trobuj te dikhel pala alosaripe kasa e partia si te kerel buchi.

Zhi pun o Statsministro Stefan Löfven phendas aratchi ke Socialdemokraterna djana korkori ando alosaripe kerdas maj anglal o sherutno anda LO o Karl-Petter Thorwaldsson ke Socialdemokraterna njerina maj but te shinela e partia e koperatcia kusa Miljöpartiet thaj kade kerdjilas pe pala riksdagenosko pushimaski vrama aratchi.

Numa vi te phendas o Stefan Löfven ke e partia djala korkori ando alosaripe phendas vov vi kodo ke e partia beshel akanak kusa miljöpartiet ando regeriungo thaj ke shaja te aven von khetanes vi maj anglal thaj ke Socialdemokraterna rodena vi pala o nevo alosaripe jekh koperatcia vi kavere partienca anda kaver blocko.

Niklas Karlsson phenel ke si chachipe ke e uni parti keren maj lashi buchi kusa kaver parti numa e vudara musaj te aven puterde sa e partienge angla alosaripe feri na khaj e Sverigedemokraterna angla alosaripe so avla 22 mars

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".