Lima
Foto: Juan Karita/TT
Internationalno

Klimatosko kidipe agorisarda kusa lashe resultatoria

E shvedistak klimatosko aj miljöministerajka Åsa Romson anda Miljöpartia si loshako kusa o agorimasko dokumento so pala e vrama sas andino pala negosiatcia pe o baro klimatosko kidipe ando Lima Peru.

Sar dine ando gor kherel ke e negosiatcia shaj lenpe chachimasa phenel voj andi jekh komantaro kaj o TT.

O gindo si ke pa jekh bersh kaj o FN:s planovano klimatosko kidipe ando Paris sa e lumjaki tema si te ramonpe pa jekh lungo vramako klimatosko panglipe vaj avtal,

te avel teljardo e chore gasoria vaj växthusgaser te na del opral o temperaturno vasdinomos pe e lumja opral pe duj gradoria celsius andi futura.

Jekh fundo pe jekh kasavendar panglipe vaj avtal nashtilas te avel vasdino andi negosiatcia. Pe dujto vas sas panglo te avel jekh vramako tabelo kaj e diferentni tema tala o khaver bersh musaj te den raportoria pe savender butchia si line aj pe so von si gata te kheren maj angle.

O Svante Axelsson so si generalno sekretaro ando Naturskyddsfereningo si majbut kritikovano aj phenel ke e resultatoria naj dosta.

For examplo mankil leske jekh konkretno plano pe sar e barvale tema andi lumja den lovengoputchin kaj e tema so si tala vasdinimos te shaj vasdenpe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".