Sverigedemokraternas Mattias Karlsson och Oscar Sjöstedt. Socialdemokraternas Magdalena Andersson går sin första budgetpromenad. Foto: Claudio Bresciani/Magnus Hjalmarson Neideman/TT.
Nationalno

S aj SD vasdelpe andi nevi ginaipe

E Socialdemokratoria aj e Sverigedemokratoria si e partie so njarin majbut ando nevo Novus ginaipe ando shon december.

E Socialdemokratoria vasdelpe pe 3,4 procenti de khatar o shon November aj len 32 procenti.E Sverigedemokratoria vasdelpe majbut kusa 3,7 procenti aj len 16 procenti.

Vile duj vasdinimata si statistisko seguro. Sako alianspartie zan parpale ando ginaipe numa kudo naj statistisko seguro.

Numa so si segurno si ke e Miljöpartia xasaren 1,9 procenti aj e FI feministiskt Iniativ xasaren pe dopasheste zi ka 1,1 procenti.

Sostar e Sverigedemokartoria vasdelpe si pala kudo ke lengo actsia khana sas o budgetosko alosaripe si variso so sas drago e manushenge,

kado phenel e Jenny Madestam so si temesko zanglitorka kaj o Stockholmosko universiteto.

- So sikhavelpe si ke e manush so alosaren gindin ke e Sverigedemokratoria kherde vorta ando budgetosko alosaripe.

Kado vi shaj avela kudo so but manush azukherde ke si jekh grupa nada manush so alosaren pe o SD aj si atraktivno ke von konsekventno inkheren ando lengo maj baro aj centralno puchimata so si pe avritemeske manushen aj nashavne manushen.

Kado phenda e Jenny Madestam ando Ekot. Ando giniape sas puchlino 1 800 manush tala e perioda mashkar o trito aj deshoschtaro december.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".