Rosenbad Foto:TT
Rosenbad Foto:TT

Shaj te avel spionazha po regeriungo

Shaj te avel shunimaski spionazha
3:26 min

Politikonge thaj kavere buchiarenge telefonura anda riksdagen shaj te aven tela ashunipe - avlyssnade, skrij adjes Dagens Nyheter.

E gazheta skrij ke shaj te avel spionutrustning - spionaki teknika krujal Rosenbad khaj inkren pe riksdagenoske thaj regeriungoske buchiara.

Peter Wolodarski si chefsredaktoro pe gazheta Dagens nyheter, vov phendas adjes ando P1 morgon ke lengo reporteri nakhlas kadal thana kusa jekh specialno telefono thaj dikhlas ke si chuddne frekvensi krujal Rosenbad.

Thaj te si kado spionazhaki teknika shaja kado te shunel so si ando telefono te lel sa e informatcia thaj pasha kodo te kerel ke o telefono si sar jekh mikrofono khaj e manush birin te shunen sa so shundjiol pasha telefono vi te chi vorbij pe ando telefono.

Frekvensi so mezin sar kadal sas vi arakhle ande Norvegia pasha Stortinget thaj kote sas phendino ke sas ashunipe kusha spionazhaki teknika.

Peter Wolodarski phenel ke kadi informatcia so von arakhle sas vi interessno khaj e sekuritaki policia Säpo thaj ke von akharde e reporeteros Kristoffer Östadius peste te pushen les avri.

Pala kadi informatcia las vi Post och Telestyrelsen intereso karing kado thaj gele korkori te dikhen sar e frekvensi mezin.

Jonas Vessel khaj si avdelningschef po spektrum ande Post och Telestyrelsen phendas ke von sas te dikhen sar kadal frekvensi mezin.

Jonas Vessel phenel ke von line andre informatcia thaj ke von akanak kerna analyzatci pe kadal buchia thaj pa uni djes birina von te phenen sar kado mezij.

Dagens Nyheter skrij ke shaj te avel jekh hohavni basaki statsia so lel e informatcia so e manush keren penge komputeronca thaj telefononca thaj ke kodi informatcia shaj te aresel ande chorre vast.

Numa kon kado shaj te kerel chi djanel pe.

Peter Wolodarski phenel ke ando Norvego ghindoj pe ke varikhon anda kaver thema shajas te keren kado thaj djanel pe vi kodo ke sas hakeronge atakura kerde karing regeringskansliet.

Akanak kerla Säpo thaj Post och Telestyrelsen penge analyzatci pe kadal buchia thaj dikhena so kote kerel pe.

Peter Wolodarski phenel ke ando Norvego si fakta ke varikhon shutas spionazhaki teknika kote numa chi djanel pe inke kon kodo kerdas.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".