Jimmie Åkesson Foto: Robin Halder/TT
Jimmie Åkesson Foto: Robin Halder/TT

Jimmie Åkesson vazdel pesko hango

Ande gazheta Expressen skrij pe ke si jekh konflikto ande partia SD thaj ke kamel pe o Björn Söder te mukhel pesko than.

Björn söder phenel ke naj chi sosko konflikto ande partia thaj kodo phenel vi o Mattias Carlsson so si partiako sherutno tela kodi vrama so Jimmie Åkesson si nasvalo.

Sverigedemokraternasko sherutno o Jimmie Åkesson so si nasvalo shutas pe ande disusia kon te avel a partiako nevo partisekreterare.

Jimmie Åkesson chi phendas kanchi khaj e medi de khatar e vrama vov gelas po nasvalo lil.

Numa adjes bishadas vov jekh mail khaj e gazheta Expressen ke vov kamel te djal e buchi maj dur te alosarel pe e Richard Jomshoff sar nevo partisekretari 26 januari.

Expressen skrijas maj anglal ke si jekh zorako cirdipe ande partia, thaj o cirdipe djal vorta kon si te avel partiako sekretari.

Aadjes si o Björn Söder - partiako sekretari thaj pasha kodo vi dujto vice talman.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".