Chi nakhlas o misstroendeförklaring po Löfven.
Chi nakhlas o misstroendeförklaring po Löfven.

Chi nakhlas o misstroendeförklaring

Misstroendeförklaringen - e deklaratcia ke varikhon keren chori buchi chi nakhlas perdal sar khaj mangelas SD. O alosaripe agorisajlas ke 45 phende jo, 133 na thaj 155 shute tele penge glasura.

Maj cera 175 trobunas te phenen jo te avilov kade ke kado sas te nakhel.

Richard Jomshof (SD) sas po than kana nas grupako sherutno Mattias Karlsson thaj phendas ke von chi inkren maj dur pachape po statsministro Stefan Löfven.

Vov phenlas ke o statsministro chi birinas te inkren pengo budjesto thaj kodo si baro.

Thomas Eneroth (S) phendas ke e partia inkrel pachape ande pesko sherutno thaj alosarna na ande kado alosaripe thaj kritikulijas SD ke von kamenas te keren jekh parlamantaricno kriza.

Jessica Polfjärd anda Moderaterna inkrelas intrega Alliansaki vorba thaj vi voj phendas ke SD kamen te vazden parlamantaricno kriza.
Alliansake parti shude tele penge glasura.
Miljöpartiet alosarde na thaj Vänsterpartiet shutas tele penge glasura.

Adjes 13:00 sas jekh misstroendeförklaring ando riksdagen - jekh deklaratcia so den riksdagoske ledamöter pe varikhaste so von ghindon keren chori buchi.

Adjes vazdas SD opre kado po statsministro Stefan Löfven thaj mangelas pe vov te mukhel pesko than

E Alliansparti phende ke von chi lena partia ando alosaripe thaj phende ke von chi inkren ketanes kusa SD
.
Te birij pe te shudel pe tele jekhe ministros vaj regeriungos musaj maj cera 10 procenti anda riksdagen te den kado opre po propozalo, ande kadi buchi 35 ledamöter.

Te nakhen perdal e propozalura po shudipe musaj maj cera dopash anda e ledamöter te phenen ke kade kamen ande kadi buchi maj cera 175 ledamöter.
Ande kado alosaripe alosarde 45 ledamöte jo .
Sverigedemokraton si 49 ledamöter thaj uni anda lende sas nasvale.

Riksdagen alosardas feri 5 dati maj anglal ande historia pe jekh misstroendeförklaring thaj maj paluni data sas ando bersh 2002.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".