Nationalno

EU-migrantoria shudine khatar e politcia

Tala diminatchi e politcia sas len jekh baro insatso kharing Eu-migrantoria so soven pe le droma ando Stockholmosko centrumo. E politcia kherde kusa suporto khatar o ordnings sakono te shuden kadala 23 manush.

Kado sas vorta pala o chaso 6 diminatchi ke kharda e politcia kado aktcia. Kusa suporto khatar o ordnings sakono shude trin zene khatar o Olof Palmes gata aj bish zene khatar jekh betonosko fundamento pe o Östra järnvägsgata vorta pasha Arlanda Express.

E politcia del e motivatcia pe o akto ke naj slobodo te trajis pe le droma pala o ordnings sakono. Personalno khatar o socialno tjänsto specialno grupa pe Eu-migrantoria sas pe tan. Von akhana den e posibilita te ashen pansh ariat pe jekh specialno kher ando Vårberg.