Nationalno

E vaccina kharing kikhosta naj dosta efectivno

Tala o bersh so nakhlo e chavorengo nasvalimos kikhosta maladas majbut chavora pe jekh lungo vrama, duj bebetoria mule ando nasvalimos.

Akhana sikhavel so majbut rodimata ke e vaccina so si hasnime pe angle si te avel maj tsera efectivno. Pala kudo ke sas savorenge dino vaccina kharing kikhosta tala le injavardeshto bersha sas maj teljardo e manush kaj lino o nasvalimos.

Numa inkhe si o kikhosta ando tem aj tala o bersh 2014 sas kharing e 700 shvedanoria perde, kado si o maj vucho sifra de khatar o bersh 2007.

O vasdinimos shaj avela pala jekh slump aj pala jekh naturalno variatcia pe sar perelpe e bakteria. Numa so sikhavel so majbut rodimata si ke e vaccini so si hasnime si maj tsera efectivno pala kudo ke e bakteria parudape tala le bersha.

E Marta Granström so si profesor andi klinisk mikrobiologia kaj o Karolinska Instituta phenel ke o kikhosta inkhe si jekh dar aj o manush trubun te len vaccina te na merel jekh bebeto anda kikhosta.