Internationalno

Svediska romengi historia vazdini ande nevi kenvja

6:54 min

O Göteborgs universitet del akanak avri jek nevi historicno kenvja pa e svediska romengo kulturako arvo ando Svedo.

Ande press-notifikacia bishadi katar o universiteto skirin von, ke le rom trajisarde and Svedo shela bersh - ferik vi te si kade si lengi historia slabo dokumentovano. Thaj ande nevi kenvja Vägskälens kulturarv- kulturarv vid vägskäl, sikhadzon e rom ande svedisko kulturaki territoria vaj o svenska kulturlandskapet.

E Ingrid Martins Holmberg ando Göteborgs universitet si redaktorka pala kenvja thaj vi kaj sas sherutni ande projekta, phenel ke kadi si jek importatno dokumentacia te sikhaves le romen thaj e thana kaj von trajisarde pe lende ando Svedo.

- Ande kenvja skirisardam thaj diskutulisardam ande unji kapitlura sar o sektoro po kulturarv, thaj atunchi ame phenas sar exemplo themeske museumura, thaj kaver aktorura ando kulturako arvo sar exemplo, länstyrelser, unji komuni, thaj komunalni museumura, diklam sar von kherde buchi kusa o romano kulturako arvo, thaj kadalesa ame penas fyzicni thana kaj inkerdzonas e rom. Thaj kusa e vorba rom ame ghelam pala e minoritetoski defenicia pe rom, phenel e Ingrid Martins Holmberg.

Kaj vi majdur phenel amenge ke sas ke coincidencia ke voj das ande kadi buchi kusa e kenvja Vägskälens kulturarv- kulturarv vid vägskäl. E Ingrid Martins Holmberg kherel buchi kusa platshistoria vaj thanengi historia ando Göteborgs universitet, thaj sar kherlas jek kaver buchi araklas voj ande lengo press-arkivo phurane patretura pe rom ande cerha ando Göteborg thela cirka o 50-bersh.

- Kana araklem me kodol patretura sas mange chudasho, ke me dosta but ginadem pa e Göteborgoski historia ferik ke shoha chi shundem pa kado angla kado. Thaj atunchi lem te dav ma gindo so znachij kado ke ke si materialo thaj informacia pa jek romani historia kade zurales phangli kusa e foroski, vi tena vazdas varekon opre kado. Pala kodo skirisardem jek cino artiklo pa kado, thaj rodem love maj systematicnie te dikav po sektoro pe kulturako arvo, phenel e Ingrid Martins Holmberg.

E kenvja "Vägskälens kulturarv- kulturarv vid vägskäl", si pa e romengo kulturako arvo ando Svedo, thaj si jek jekhutni buchi shutini khetanes anda diferetni studiji ande rhodimaski projekta "Rörligare kulturarv" inkherdo ando Göteborg. Thaj e Ingrid Martins Holmberg, redaktorka thaj sherutni ande projekta, phenel ke thela palune 10 bersh kherdas o officialno sektoro po kulturako arvo cirka 10 projektura karing o romano kulturako arvo ando Svedo, projektura kaj maj butivar sas pa thana.

Thaj vorta o pushipe thaj o fokuso pe thana kaj e rom inkerdzonas vaj trajinas ande lende ando foro Göteborg si so diferentulij kadi kenvja "Vägskälens kulturarv- kulturarv vid vägskäl" katar kaver historicni kenvji pa rom ando Svedo, phenel e Ingrid Martins Holmberg.

- So me gindoj ke kadi kenvja shaj del si jek konsekventvo fokuso pe thana. Thaj jek kaver bajo si ke ame ando angluno gindo chi skirisardam romani historia, ferik ke ame pushlam ame anglunes manushendar kaj si expertura pe thaj thaj kulturake territoriji vaj landskap. Thaj sikhadzilas kana lam te das ame gindo sar mezij e romengo historia ando Svedo? Zanas ke si jek 500-bershengi historia pa rom, ferik e chi zanas kaj kado sas pe save thana. Thaj kado si eksera unikato kusa kenvja, phenel e Martins Holmberg.

Kaj vi phenel ke le rom mukhle spår vaj pasura ande svedisko kultura. Thaj ande kenvja sikhaven pe soske thana e rom trajinas thaj e rhoditora studiolisarde soske shladura vaj pasura ashile historicnie. Thaj anda kado si kadi dokumentacia kade importano te shaj sikhavas jek maj ulado vaj diferetno patreto sar o Svedo chaches mezij, phenel e Ingrid Martins Holmberg.

- Kana shas e attencia pe territoriji vaj landskap thaj thana, dichol atunchi ke sas intrego vrama jek pharujipe thaj connecia kusa rom, thaj pa kado zanas zurales cera. Muri nadzea vaj förhoppning si ke kadi kenvja avla jek dokumento kaj sikhavel connecto thaj interaktia mashkar e rom thaj o majoritetno them, phenel e Ingrid Martins Holmberg, redaktorka thaj sherutni pala projekta thaj e kenvja "Vägskälens kulturarv- kulturarv vid vägskäl" ando Göteborgs universitet.