nationalno

Debatto pa Saudiakontrakto

O debatto pa Sudia kontrako avla vasdo maj zurales pala kodo ke but anda Milijöpartiake membrora pende pesko gindo.

Ando 2005 bersh kana sas le Socialdemokrater ando regeringo kerde kontrakto pe militantno buchi kusa Saudiarabien, thaj o Alliansosko regeringo lunjarde o kontrakto ando 2010 bersh.

Tena cina o kontrakto angla 15 majo kado bersh lunjaren o kontrakto inke pe 5 bersh.

O kontrakto si bulho thaj shul kethane e deffenciako matrialo, logistika , rodipe thaj vi militantno sjukvård

Ando kontrakto naj konkretno disicia po exporto. Le sheftura pa marimasko matrialo keren mashkar peste e Saudiarabia thaj le shvediska firmi. Le maj bare sheftura so sas tela kadal agorutne bersh si o pansarvärns roboto Bill, thaj o radar systemo Erieye.

O exporto kusa marimasko matrialo anda Shvedo kerel tillståndpröva e Inspektsia pe strategishni produktora.

O Shefto kusa Saudia ando 2012 bersh sas gindo te keraven po jekh saudisk than pansarvärns robotora.

Thaj o Sten Tolgfors defenciako ministro anda Moderater kodi vrama musaj sas te djal tele pa peski buchi anda kado shefto.

O Statsministro Stefan Löfven pendas ke o regeringo kamel te diskutulij o kontrakto thaj ke o pushipe avla vasdo ando regerings kansliet.

E regeringoske partnero MP (Milijöpartia) , vi but Social-riksledamöter, thaj vi therne anda SSU Sveriges socialdemokratiska ungdomsförbund kamen te cinen o kontrakto

Le kritikora penen ke chi djal te keres kontrakto kasaventsa kas chi hal bajo ande manushikane chachimata.