Nationalno

Adaktusson chi kandidulij po sherutno posto ando KD

O EU-parlamentariko o Lars Adaktusson (KD), chi kherla kandidacia po sherutno posto mashkar e Kristdemokraterna.

Kado phenel vov akanak defitivnie ande adjesutni avri-pushipe pe le partiake sherutne kandidatura. Akanak ashile duj kandidatura po posto. E Ebba Busch Thor thaj o Jakob Forssmed.

Jek kurko pala ke o Göran Hägglund phendas ke mukhel o posto sar sherutno ande partia, phendas o Adaktusson ke chi kherla kandidacia, ferik ke thela dejs sas spekulovano ke pharudas gindo.

O Lars Adaktusson phenel ke e decisija si anda za cera experiensia thaj vov kamel te dikhel ke e Ebba Busch Thor te njirij o posto.

- La si virazno vizia, zanel so kamel, si la ucho kompetenso thaj entusiasmo. Muri experiensia si limitovano, naj sa kodo zanglipe sar kodol zene kaj sas maj lungo vrama ande partia, phenlas o Lars Adaktusson.