EU migranter marenpe kon kaj ka mangel love

3:44 min

E paluni vrama avile andre rapportura katar e policia pa EU-migrantura kaj musaji lenge te pochinen hyra vaj pochin pa o than kaj beshen thaj mangen love. E policia phenen ke naj kriminalno organizacija von si e rom interno mashakr peste marenpe kon kaj ka mangel love.

Polo godo kaj jekh romni katar e Rumunia dla upre jekh persona kerda lake presa pe love so beshla pe ljesko than vazla reakcie vi ande maedia.

E policia andi Uppsala vi vorbin kaj varesav thana pochinenpe dji ke 1 000 thaj 2 000 krune pe jekh than kon kaj bershel te mangen love.

E thana save pochinenpe si sar exemplo ando centro e forosko kaj but manusha ando jekh djes nakhen thaj kaj shaj te kerenpe love.

Numa kon si e manush save keren presa love katar e EU migrantia save mangen love pe droma? O Urban Olsson phenda gade.

Godola si ljenge themske maunusha save avilje e anglune ando foro thaj von gindon kaj ljen si chachipe te mange anglune thaj sa odala save avilje palal ljende te mangen love pe varesave thana musaj te pochinen hyra-vaj o than.

Vi Hans Caldaras o romano aktivisti savo debatirinol e problematika e EU migrantoge thaj ando amaro programo ando kurko savo nakhla phenol kaj arakhadilo bute romenca save phende ljeske experience kaj si gade probljemia mashkar e roma katar e Rumunia save mangen love ando Shevdo.

Numa ando puchipe e policiake, phagol mi o zakono akava kaj von roden hyra te pochinolpe pe thana? O Urban Olsson katar e Uppsala policia phenda gade.

Khanikas naj chachipe te rodol varekastar love te pochinol o than kaj mangol love. Chi phogolpe varesavo juridikano zakono ando Shvedosko te mangen love pe droma thaj godoljestar nashtik khonik khanchi te rodol varekastar te pochinol hyra.

E rom katar e Rumunia phenen kaj e konkurencia pe than ulji but bari ando foro thaj te keras hyra o than naj shansa, odljeske so amen chi kera gade bare love thaj but amendar ka irinape napala andi Rumunia pheda e Margareta Matache romni katar e Rumuia kana amen puchlam amen latar.