O kham chi djal maj tele opre ando Shvedo.
O kham chi djal maj tele opre ando Shvedo.

Ramadan si pharo ando Shvedo

3:37 min

Kado bersh kezdisajlas o Ramadan 16 majo taj inkrela zi kaj o 14 juni, ando Shvedo si karing 200 000 muslimura save inkren o posto, feri kaj si o kham opre but vrama ando Svedo phares si butenge.

 Ando Shvedo  si karing 200 000 muslimura save inkren o posto thaj ando opruno Shvedo si o posto ekcera maj pharo sar ande kaver thema.

Kado inkrel pe jekh shon thaj chi hal pe kanchi thaj chi pel pe kanchi kana o kham si opre phenel o rom o Imer Idrizovic.

E manush so naj Muslimanura ghindon butivar ke e Muslimanura chi han kanchi tela intrego shon, numa kade naj phenel o Imer Idrizovic, e Muslimanura han kana o kham djal tele pa cheri.

Ande opruno Shvedo si kado problematicno, ke ande opruno Norrlando chi djal tele o kham thaj naj rat thaj kado shaj te kerel o Ramadan maj pharo bute Muslimonge ande opruno shvedo.

Ande Kiruna chi djal ele o kham but vrama tela intrego rachi, ande Luleå si o kham opral 23 chasura opre po cheri thaj kado kerel o posto pharo unie muslimanonge ande opruno Shvedo ke lenge si pharo te phagen o posto kana si o kham opre.

Kado phenel o Kaus Jebali so trajij ando Luleå

Ande paluno kurko sas jekh skandinavitsko konferenso ando Stockholm khaj khidde pe imamura khaj vorbinas pa neve zakonura krujal e postoske vrami ando Shvedo.

Muhamed Amri si imamo thaj sherutno ande islamska föreningen ando Luleå, vov phenel ke inkrenas pe but muslimura ando Shvedo pala kaver vrami sar Stockholmoski vrama vaj pala mecka numa akanak si kaver zakonura thaj kodo si te inkrel o muslimo pe pala kodol maj palune vrami kana sas jekh chacho djes thaj chachi rachi.

Ande Luleå sas kodo 21 aprilo thaj kodo znachij 16 chasura posto thaj kado si normalno posto phenel o Imamo Muhamed Amri.

Imer Idrizovic phenel ke si but manush inkren o posto numa chi djanen kaske von kodo keren, o posto si mashkar o manush thaj o Del phenel o Imer Idrizovic.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".