Nationalno

Vazdini pochin sikavnenge o maj centralno pushipe

3:32 min

Arachi ando Almedalen sas presentovano le regeringosko proposalo pe jek vazdini pochin le sikavnenge ando Svedo.

Po than thela o presskonferanso opruch o statsministro o Stefan Löfven thaj o edukaciako ministro o Gustav Fridolin sas e sherutni anda o Lärarförbundet e Johanna Jaara Åstrand, kaj phenel ke jek vazdipe trobuj zurales.

- Kadi si jek zurales importatno investacia te kherel majbut zene te kamen o te aven sikavne. Zurales za cera si sikavne ando them, thaj so ame kheras anda Lärarförbundet kathe ando Almedalensi ke kheras buchi kusa o maj importatno pushipe, ke sa kezdijpe kusa jek lasho sikavno. Thaj le Svedos trobuj majbut sikavne ke si za cera, phenel e Johanna Åstrand sherutni vaj förbundsordförande anda Lärarförbundet.

O proposalo sas aba andre ande regeringosko budgeto pala milaj vaj o höstbudget kaj chi nakhlas pherdal anda za cera supporto. Ferik ke akanak zuraren e Socialdemokratura kado proposalo kusa kadi vorba kaj den: De katar o 2016-bersh investulij o regeringo trin miliardura koroni sako bersh te vazden e pochin sikavnenge kaj si lashe ande peski buchi.

E Johanna Åstrand anda Lärarförbundet phenel ke si but territoriji kaj trobuj pharude mashkar e sikavne, ferik ke maj uchi pochin si e maj centralno te kerdzol e buchi pale atracktivno terne manushenge.

- Kado si o maj importatno kotor, ke zanas sostar e ternnjimata cho alon e sikavnengi buchi si e za cine pochinimata. Thaj anada sa kado atveto e cine pochinimata si sostar but sikavne mukhen peski buchi. O regeringo line avri kadi buchi ande corperacia kusa diferetni partura, kaj ame samas jek importatno kotor. Thaj ame akanak sam zgodni che importantno si te kheres jek valucia pe sako djeseski buchi kaj le sikavne kheren ande intrego edukaciako, systemo phenel e Johanna Åstrand.

Thela o aratchutno presskonferanso, phenlas o Stefan Löfven ke von kamen te kheren e sikavnengi buchi maj atraktivno. Thaj ginadoj avri ke le trin miliardura extra shutine karing le sikavne ginadzola paschi 60 000 zenenge ando bersh, kado site avel cirka 3 000 koroni ande jek shon majbut jekhe sikavneske.

Ferik ke e Johanna Åstrand phenel ke jek buthesa maj bari summa love sar 3 000 diferetulij le sikavnengi pochin kusa kavera bucha sa kasava edukaciasa.

- Adjes si jek za bari diferencia ande pochinimata mashkar le sikavne thaj kaver bucha kaj trobuj sa kasavi lungo edukacia vajnavet maj skurto. Thaj kadij e gropa kaj musaj te phandavas andre, thaj e diferencia si kaver mashkar le shkoli, ferik ke si dosta bari, kado si pa 10 000 koroni za cera ando shon, thaj pe unji righa 15, 16, zi kaj e 17 000 diferencia vaj za cera ando shon, phenel e Åstrand.

Statistika sikhavel ke cirka ferik panch procenti anda sikavne acharen ke la bucha si jek ucho statuso, thaj sako dujto sikavno kaj phenel ke po dujto alosardov kadi buchi.

Thaj e ekonomicno studia thaj so maj slabi resultarura mashkar le studentura ande zanglimaske mirimata kherel ke le sikavne, acharen jek briga ande peski buchi, phenel e Johanna Åstrand.

- E sikavne acharen frustracia ke naj inkherdi lengi buchi maj zurales. Amen si jek bari buchi ando Svedo te vazdas e resultatura ande edukacia thaj zanglipe, thaj te das maj buthe studenton e possibilita ande shola, te kamen te aven ande shkola, thaj te kheren jek progresso, ferik ke atunchi trobuj ame jek them thaj politikura kaj inkren kadi buchi uches, phenel e Johanna Jaara Åstrand sherutni anda sikavnengi organizacija vaj Lärarförbundet.

Fundo pe amari journalistiska si te avas neutralne thaj te pachan pe amari buchi. Sveriges Radio si neutralno thaj chi ljol rig andi politika, religia, ekonomia vaj varesave oficilane prvatne njerimta.
Du hittar dina sparade ljud i menyn under Min lista