Internationalno

Sosko efekto del e krisi ande Grecia e turistonke

2:36 min

Tela kado kurko kerdjilas ekonomicno kaos ande Grecia. E bankura sa pandadej taj o börsen pelas tele. Sosko efekto si kado pe turistura ando them?

E Kajsa Moström kaj si informationschef po resebolaget Apollo si akanak pe vispa Karpatos. Kathe sa pachasaj penel voj ando Ekot:

- Kathe kaj sim me, si sar mindik. Ande bankomatura si love aj naj kolejki. Feri kado shaj parudjol kana pandavena e bankura. Kado shaj avla problemo e themeske ale na e turistonge.

O UD penel ke kon site tradel ande Grecia te len pesa extra love "kontanter". Ke e bankomatura aba len te shusjon ke e manush pa intrego them len love avri. Marit Lindvall, vd po resebyrån Gränsresor ande Haparanda taj Kalix, penel e turistonge te len pesa love ale te len pe sama te na piraven za but love pasha peste te na chorarel len varikon ke e risika maj bari. Aj kade naj kaver problemura e turistonge kadej kothe sar mindik.

O Ronny Saxin anda Örebro si akanak pe grekicko vispa Leros, vof penel ando P4 Örebro ke vof inke zipun so chi achardas te avel varisosko problemo, feri kana e turistura shusharde jek bankomato. Vof penel ke kon kamel te tradel ande Grecia te traden pe charterresa, ke te avla pe kodo ke maj chores kerdjola e situacia ando them maj pevno te aves pe jek charterresa.

- Maj but manush traden po charterresor ke maj pevno, ame chi sam pe charterresa, ame tradas krujal pe ruzni vispi, ale sar si akanak maj feder si te inkerdjos ande maj bare turisticni forura sar pe cine vispi.

Fundo pe amari journalistiska si te avas neutralne thaj te pachan pe amari buchi. Sveriges Radio si neutralno thaj chi ljol rig andi politika, religia, ekonomia vaj varesave oficilane prvatne njerimta.
Du hittar dina sparade ljud i menyn under Min lista