Shvdanura den maj but love po zhutipe

Akanak sar si e nashutnengi kriza kamen but manush te zhutin thaj miljonura koroni sas dine khatar e manush ando shvedo khaj zhutimaske organizatci.

Trendo sikavel ke so maj but manush den so maj but love sako bersh, phenel o foreningo Svensk insamlingskontroll khaj keren kontroli pe kodol zhutimaske organizatci khaj inkren 90-konton.

Tela p bersh 2014 dine e manush 312 miljonura koroni maj but sar o bersh maj anglal thaj totalno sas opral 6 miljardura koroni dine khaj e zhutimaske organizatci.

Kodol kontura khaj inkren 90-kontrola si jekh konto kusa 7 sifri ande jekh bank vaj plusgirokonto thaj kasavo konto shaj feri te lel pe khatar o foreningo Svensk insamlingskontroll thaj kasavo konto shaj feri idealno organizatci vaj relegicne trosamfund thaj stiftelser te len.

O regulo si te avel ucho sekurita ande kadal kontura thaj ke maj cera 75 procenti anda love djan khaj e buchi khaj si mangipe.