Familjehem
Eva Kollberg van rojan pir mijûl e. Telefon ser telefonê tê. Foto: Carina Holmberg/Sveriges Radio
Nationalno

Maj baro interesso pe familjehem

5:26 min

O interesso pe familijenge khera las rekordo tela kado agorutno kurko thaj kado dishol krujal pe but thana ando them, sar ando Stockholmo,Malmö, Göteborg thaj Växsjö.

Tela feri jekh kurko parodjilas o processo katar kodo ke hibasinas familijenge khera ke adjes chi den rada te vasden opre le telefonora pe sako kon vorbij.

- Von penen ke aba dostaj sa kado, sima than ande moro kher, shaj mukav andre ande moro kher, anda kodo kezdisarde but te vorbin, penel e Eva Kollberg ando familjehemsenhet ando Göteborg.

O telefono bashol intrego vrama ando familjehemsenheten ando Göteborg thaj vi perdoj lengo mailo,pushimatonsa manushendar kaj kamen te aven jekh familjehem aj te den chavoren kaj si nashutne jekh securno than.

Tela feri shtar djes las andre o familjehem opral 130 mailora, kaj normalnje lelas feri mashkar shtar dji kaj ohto tela jekh djes. Thaj sode telefonora sas kerde china chi uspejisarde te ginaven.

E situasia si sakade pe maj but thana ando them. Ando Stockholmo penen ke naj kontso pe telefonora ande intregi sektsiji pe familije hem, thaj vi ando Malmö si zurales but interessovani.

Kana e komuna ando Alingsås manglas maj bute zenen te aven familjhem sas maj baro o responso sar kaj so zukarde. E Frida Nygård ando Hemsjö si jekh anda kodol kaj vorbisardas.

- Me achardem ke aba naj sote gindoj ma. Me aba dolmot kodoleske kamos te avav familjehem, feri chi los kodo paso, feri sar kaj mezij akana vaznoj sako te kerel so feri birij, penel e Frida Nygård anda Hemsjö.

Akana ashilas e buchi oud te len sama pala sako manush kaj si interesovani thaj vorbisarde ke kamen te aven familjehem. Maj but personalo truboj vi ande edjukatsia pe neve familjehem thaj vi te birin te den atveto pe intregi pushimata, ke kado zurales hibasij.

Tela milaj sas 960 familjehemenheter ando Göteborg thaj e prognosa sikavel ke dji po kontso ando nevo bersh trubona inke karing 600 familjehem.

-Akana truboj maj dur te keras buchi thaj te las sama pala sa kodol kon si interesovani te avel ame lasho resultatora, pendas e Eva Kollberg anda Göteborg.

Thaj po pushipe so znatchij ke kade but si interesovani thaj vorbin te shaj aven jekh familjehem penel e Eva Kollberg anda familjehems enheten ando Göteborg ke le chavora kaj aven jekhzene ando them avla le jekh familija, avla le jekh kher kaj te aven thaj kado si o maj lasho so ame shaj das.

But manush roden te aven familjehem

E Cherri kaj tarjij ando Stockholmo kaj sila familjehem, penel sostar voj vorta chi kamel te lel andre flyktingbarn.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista