Jan Björklund (FP) Foto: Henrik Montgomery/TT
Jan Björklund (FP) Foto: Henrik Montgomery/TT

FP paruvel ghindo pa nashutne

Folkpartiet chi kamlas kado propozalo maj anglal kana o regeriungo vazdas kado propozalo thaj atunchi perlas kado ghindo, numa kana Folkpartiet paruvel pesko ghindo del kado zor thaj vi majoriteto ando riksdagen.

Folkpartiet paruvel peski opinja thaj phenel jo akanak te avel kade ke sa e komuni musaj te len nashutnen ande pengi komuna vi te si kade ke e komuni chi kamen te len nashutnen musja von te len e nashutnen.

Folkpartiet chi kamlas kado propozalo maj anglal kana o regeriungo vazdas kado propozalo thaj atunchi perlas kado ghindo, numa kana Folkpartiet paruvel pesko ghindo del kado zor thaj vi majoriteto ando riksdagen.

Sherutno ande Folkpartiet o Jan Björklund phenel ke vov parudas pesko ghindo thaj ke aba sas jekh cino ghindo kana Allianso inkrelas o regeriungo.

Inke si but komuni khaj chi len chi soske nashtunen thaj kade nashtik te avel, trobun te len sa e komuni pengi responsebilita, phenel o sherutno anda Folkpartiet o Jan Björklund.

1 juli ando bersh 2016 avla kade ke sa e komuni musaja te len nashutnen pende thaj atunchi dikhela perdal komunako baripe, buchiako marketi thaj sode nashutne aba trajin ande komuna, thaj pala kodo dela pe jekh kvota sako komuna pe nashutnen.

E kaver alliansoske parti thaj Sverigedemokraterna chi kamen kado propozalo feri sar del o Folkpartiet pesko duma nakhela kado sar zakono.

Trobuj te malavel pe tele e komunengo egoismo thaj te del pe zhutipe e komunonge, phenel o sherutno anda Folkpartiet o Jan Björklund.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista