Foto: Nadya Norton/Sveriges Radio
Foto: Nadya Norton/Sveriges Radio
Nationalno

Romani chej gelas te zutij e nashutnen

4:30 min

E chej e alicia penel ke laki pej diklas jek patreto po instagram ke e manush shaj variso keren te zutin kodolen so aven ando Shvedo sar nashutne.

Aj ke trobuj manush te aven te zutin aj te den zutipe. Vi voj kado ginadas aj kamelas te zal aj te zutij sar zanel te avel kadale manushenge majfeder.
E Alice majdur penel ke but manush line pesa but habe, paja gada chavorenge te shaj den e nashutnenge kana uljena pa geshi.
Sako jek so sas kote gelas te zutij sar majfeder sar feri zanenas.

Voj penel ke kana avile kote sas varisosko problemo e geshesa so sas te avel anda Malmö, o geshi pe savo von zukarenas e nashutnen te aven lesa.
Majdur penel ke von kote beshle but vrama aj zukarde, mekle kodo so line pesa o habe e gada e kaver manush so kote sas von te den e nashutnen kana avena aj gele peske palakodo kere.

kado zutipe si te inkrelpe kote intrego kurko e Alice penel ke e manush so kote sas zanas aj neve avenas intrego chaso perdo ful manush sas kote ke kamenas te zutin, savori anenas diferantne dzelora zutimaske te shaj den e nashutnenge.

Mashkar kodol so sas kote sas zurales bari voja, sar e Alice pendas jättebra stämning sas kote. Savori atcarenas pe familjne so sas kote jek jekesa vorbinas vi te na zanenas jek jekes aj kamenas te den zutipe kodolen so sas te aven. E nashutnen.

Kado pendas amenge e Alice jek romani chej so tradas pe Centalno stantcia te shaj zutij e nashutnen kana von sas te aven ando Stockholmo.

Kol dzesendar manush line te tordzon ande malmö centralstation te zukaren pe nashutne aj te zutin len kodolesa so von te keren maj dur.
Arat kadi ratci manush anda shvedo trade ande dania kaj e nashutne so tordzonas pe geshenge stantci te shaj anaven len ando shvedo vaj te zan maj dur ando norvego vaj finlando.
Ando Shvedo o gindo karink e nashutne parudzilas but pala o patreto po chino rakloro so tasilas kana nashelas leski familija pa medelhavet ande cine parahodora.
Akanak but manush na feri ando shvedo kamen te zutin kadalen manushen, ande intrego EU manush zumaven te den zutipe.


Ando Shvedo si savoren manushen pravo te mangen azylo, o Shvedo del azylo kodolen so rizikolin förföljelse diskriminatcia anda nationaliteto, religia, minoriteto, rasa, politicno gindo, sexuell läggning o Shvedo vi del azylo kodolen so shaj zukaren strafo merimasko, tortora aj marimata.
Kodol so kamen te zutin e nashutnen shaj den love aj kado majfeder pe kontora so bushon 90 konto.

Kaver so shaj keren te zutin si ke shaj aven volenterora , vaj shaj zutin kaj o lolo troshul vaj shaj len kere jegzenen shavoren so aven.

Majbut tipsora sar te zutin e nashutnen shaj araken po internet,

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista