Foto: Nintendo
Foto: Nintendo
Nationalno

Super Mario pherdzol 30-bershengo

4:15 min

O Super Mario si jek zurales baro fenomeno ande gejmongi-luma, ferik ke vi pharesij te des atveto pe kado, ke vov si jek sako djeseski figura. 

Kade phenel o Tobias Bjarneby, chefo ande gejmongi-gazeta Level. E pinzardi figura akanak pherdzol 30-bershengi, thaj vazdel buthenge kaj arakhdzile ande kodi generacia memoraciji.

Ando 1985-bersh kherdzilas jek cino hyperaktivno rörmokare jek succeso krujal intrego luma. Thaj desar kado chi mezij e gejmongi luma sa kasavi.

Kado si o pinzardo Super Mario, e popularno figura katar e gejmoski firma Nindendo kaj akanak pala 500-miljonura bikhine gejmura pherdzol 30-bershengo.

Ferik ke na e figura anda peste si o atveto pala o baro successo phenel o Tobias Bjarneby, chefo ande gejmongi gazeta Level, ferik ke e colorovi lumi kaj o Mario si thaj khelestu kado vazdel e khelitorongi fantasia.

- Von si surrealisticni thaj den e manushes e emocija ke sako falo shaj kherdol. O gejmo si zurales godjaveres konstruvano, phenel o Bjarneby.

Vi o 26-bershengo Janni Madziarowicz anda Stockholmo, phenel ke kado gejmo vazdel leske but memoraciji katar leske terne bersh thaj ke serel ke kado gejmo sar kaver katar intregi kana avilas avri.

O Super Mario avilas avri o 13-september ando 1985-bersh thaj opral e 20-bersh sas vov o maj bikhindo gejmo ande intrego luma kusa opral e 40-miljonura bikinde exemplarura.

So diferentulijas o Super Mario katar kaver gejmura thela kodi vrama si ke vov sas jek sidscrollande plattform-gejmo kaj kherlas ke e gejmoski luma mezijas ke naj la agor pasha le kaver gejmura kaj sas pe phurane konsolura.

- Vi tena naj kade ke o Super Mario sas anglune kadale teknikasa shutas vov o standardo kaj zi adjes inkrel ande but gejmura. O Super Mario vazdas e gejmura kaj jek kaver levelo, phenel o Tobias Bjarneby chefosko redaktoro anda gejmongi gazeta Level.

Vi o 26-bershengo Janni phenel ke o Super Mario sas jek gejmosko koncepto kaj inkherdas pherdo bersh, thaj kado si vareso so vov lel sama ke vi lesko 5-bershengo shavo khelel adjes, ferik ke maj avansovanoj.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista