Foto: Jessica Gow/TT
Foto: Jessica Gow/TT
Nationalno

But vrama pe computerura del maj slabi resultatura ande shkoli

3:51 min

Svediska studentura kaj si but vrama angla computero vaj hasnin but IT, si le maj slabi resultatura ande matematika thaj ando ginajipe.

- Kado si pa e studentura kaj hasnin but IT, kaj si le maj slabi resultatura. Thaj ande kado kontexto si vorta o resultato ande matematika importantno, ke vorta ande kado rapportulisarde e studentura kaj hasnin but IT ande edukacia pe matematika, vi kodol studentura kaj si le maj slabi resultatura. Kothe aba o sikavno las e decisija soski informacia site avel ande edukacia, anda kode si kado pushipe chacho kana avel sar si hasnime o IT ande shkola, phenel o Anders Fredriksson, vice sherutno ando Skolverkets resutatosko departemento.

E nevi analysa anda Pisa si vi va extra pushimata kaj sas pushle pa computerura thaj digitalni zutimaske programura thaj sar sas hasnime ande shkola ando 2012-bersh. E analyza vi phanden khetanes sar hasnin IT - vaj IKT, Informations och kommunikationsteknik, diferentnie khetanes kusa e studentongo resultato.

Thaj o relevanso sikhavel ke svediska studentura kaj hasninas IT ando balanso, mashkar 1 zi kaj e 30 minuti ando djes, sas le maj lashi prestacia.

Jek positivno aspekto si: Kana o internet sas hasnime ande shkolange bucha, sas jek positivno phanglipe mashkar e resultatura ando digitalno thaj traditionalno ginajipe. Ferik ke intregi kaver IT-aktivitetura, sar kana e studentura chattulinas, bishavenas e-mail vaj khernas kaver bajura, sas kado phanglo kaj maj slabi resultatura.

Svediska studentura kaj hanisarde IT ande matematikaki edukacia, sar exemplo kana kherde grafura thaj tabellura, sas le maj slabi resultatura sar le kavere studenton. Thema kaj sas le maj lashe resultatura ande Pisako miripe, sar e HongKong/Kina, Taiwan thaj e Sydkorea, hasninsarde IT maj cera anda intregi thema ande edukaciji matematikake.

Pala e klassifikacia ando OECD sas le Svedos kaj but extremicni internet hasnitora anda intregi thema ando rhodipe. Kadalesa ginaven ternjimaton kaj hasnin o internet maj thele 6 chasura ando djes thela peski volno vrama. Ande kodi gruppa majbut terne murce, sas le maj slabi resultatura ande shkola thaj vi maj butivar chi avnas pe vrama ande shkola, na intregi djesa thaj maj chorres sas lenge sar kavere studentonge.

Ferik ke sostar si kade? Naj pe kado atveto. O Anders Fredriksson anda Skolverket, phenel ce chi zanen so si o atveto pala kado. Naj securno ke e but vrama angla le computeterura si o atveto maj e maj slabi shkolake resultatura, phenel vov.

- Chi zal te phenes chi o hasnipe anda IT si lasho vaj chorro, ferik ke musaj te avel phanglo sar si hasnime o IT ande shkola. Jek lashi metoda si te hasnis IT ande shkola shaj vazdel jek aba lashi edukacia, ferik jek maj chorri metoda po IT risikulij te kherel chorres, sikhavel o OECD, phenel o Anders Fredriksson, vice sherutno ando Skolverkets resutatosko departemento

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista