Jekh gav ande Rumunia Foto: Linda Stomberg.
Jekh gav ande Rumunia Foto: Linda Stomberg.

Plano pe folkhögskola ande Rumunia

4:21 min

Folkbildning - learning for active citizenship las inisiativa khaj kadi projekta thaj e sikavni Ann Kyrkander anda Axvalla folkhögskola si jekh anda kadal manush so len partia ande kadi buchi kusa kado vazdipe.

150 bersh kodolestar las pe o ghindo kusa folkhögskola ando Shvedo thaj o ghindo sas te sitchion kodol so si maj chore jekh buchi thaj pasha kado te len edukatcia.

Kadal manush sas mindik ande teluni ekonomiaki klassa thaj kade mezij pe e situatcia adjes ande Rumunia thaj kaver thema ande europa e romenca, phenel e Ann Kyrkander jekh sikavni anda Axvalla folkhögskola.

But folkhögskolor thaj organizatci si shutine ande buchi romenca anda Shvedo thaj vi ande rumunia te dikhel pe sar te kerel pe buchi te aven folkhögskolor ande Rumunia e romenge.

Ando oktober traden 15 djene anda Shvedo te vorbin pe khetanes ande Rumunia te dikhen sar shaj te djal e buchi maj konkretno thaj sar dikhel pe kasave buchiasa ande Rumunia.

O processo si lungo, naj kade ke avla jekh skola gata pa jekh bersh, pa jekh bersh djanela pe sar djala e buchi, phenel e Ann Kyrkander.

Kado edukatciako plano si jekh plano pe but bersh maj angle, kade trobuj te kerel pe buchi te kamel pe te malavel pe tele o choripe ande Rumunia.

Ann Kyrkander phenel ke voj djanel ke kamel pe te vazdel pe zhutimaske organizatci khaj dena e romen zhutipe feri ke kodo zhutipe si pe skurto vrama, edukatcia si jekh zhutipe pe lungo vrama.

Edukatcia si vazno thaj vi te si but rom so nakhle skoli ande Rumunia si inke maj but rom so chi nakhle skola ande Rumunia, phenel e Kyrkander.

Kana e rom nakhen skola acharna pe von maj zurale thaj kana avla maj buten edukatcia shunela vi o narodo pe e rom thaj lengi dukh, phenel e Ann Kyrkander maj dur.

Phares si te startulij pe skola ke skola kostulij love, bi lovengo chi djal e edukatcia, Ann Kyrkander phenel ke von zumavna te arakhen droma sar te djal kadi projekta kusa edukatcia thaj love.

Voj djanel ke kado si phares, numa vi kade si la pachape ke kadi projekta djala maj angle ke e rom si andre pangle, naj kade ke varikhon avle thaj diljarel e romen feri vi e rom si pangle thaj von djanen so e romen trobuj ande lengo them rumunia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista