Erik Lundberg, Christina Garsten och Olle Wästberg har undersökt hur svensk demokrati förändrats. Foto: Isabelle Swahn/Sveriges Radio.
Erik Lundberg, Christina Garsten thaj Olle Wästberg, Foto: Isabelle Swahn/Sveriges Radio.

Demokraticno rhodipe: Pharujipe ande demokratia ando Svedo

Kon den effekto pe politika?
3:54 min

Svedisko demokratia pharudzilas zurales thela palune deceniji, sikhavel jek nevo rapporto anda Demokratiutredningen. 

Te inkres politicno influacia thaj makto naj aba musaj te aves ande jek partia. Ferik ke svedisko politika si inkherdi pa righ pasha le traditionalni areni kaj lobbying lel so maj bari signifikacia. Sa kadi vrama dichol jek maj baro engagemango katar normalni citizentura, phenel o statsvetare o Erik Lundberg kaj skirisardas o rapporto.

- But manush si engagovani, but zene khiden pe khetane, vi tena naj kado traditionalnie sar kaj sam sikhle ando Svedo. Si jek baro intereso ande politika. Pala kode dikhas ane muro rapporto ke si majbut interesake organizaciji kaj sas invitovani thela vrama te formulin politika. Kado si positivno ke majbut manus shaj phenen pesko gindo, phenel e o Erik Lundberg.

Vov ande jek nevo rapporto rhodas sar e interesake organizaciji kheren buchi te den influacia pe svedisko politika. O rapporto si jek kotor anda Demokratiutredningen, kaj si te lel avri proposalura sar shaj vazden e possibilita manushenge te aven aktivno ande politika, ke e svediska demokratia pharudzol.

De sar o 80-bersh hasarde e etablovani partiji opral jek miljono membron, thaj jek rhodipe katar o SOM-institutet ando Göteborgs universitet sikhavel ke o pachape mashkar e politicni partiji, komunake administraciji thaj fackliga organizaciji si slabo.

O Olle Wästberg si rhoditori ando Demokratiutredningen. Vov phenel ke vi te sikhaven rhodimata ke manush si chale kusa e demokratia ando maj baro patreto thaj e participacia ande elektia si jek anda maj bare ande luma, si e Svedos jek anda maj lungi alosarimaske periodi ande luma, ke ferik glasulisaras sako shtarto bersh.

- Ferik 20 procenti anda le citizentura acharen ke si le politicno influacia mashkar e alosarimata. Kado si dosta cera. Thaj vi si ame bare diferenciji mashkar e klassi ando Svedo kaj malavel pherdal e politika. Manush kaj si le maj cini edukacia vaj arakhadzile ando kaver them, glasulin maj cera thaj si le maj cine possibiliti te phenen pesko gindo, phenel o Olle Wästberg anda Demokratiutredningen.

Varekana sas o normalno gindo ke o them khetanes kusa e interesake organizaciji, sar e fackförbund, formulinas e politika thaj arakhenas avri khetane proposalura pa sar exemplo officialni rhodimata kaj sas shutine katar o them. Vi te si le officialni rhodimaton jek bari rolla vi adjes, naj kado ke skirin atvetura kaj si avri dine katar le organizaciji kaj del effekto pe politika adjes, phenel o Erik Lundberg.

- Si ame jek maj baro lobbyismo thaj kado si positivno. Kado si pa jek dialogo mashkar politikura thaj themeske buchara. Ferik ke si jek pushipe sode von inkren kado phuterdes te birin vi le citizentura te len e possibilita te zanen so kerdzol pe thaj kon phenel so kaske, phenel o Erik Lundberg.

O Olle Wästberg, rhoditori ando Demokratiutredningen, phenel ke site presentulin maj but proposalura sar le partiji birin te kheren buchi kusa o fakto ke e svedisko demokratia pharudzol. Vov phenel ke o progresso naj anda peske negativno, ferik ke trobuj e citizentongi possibilita zurardi pe jek influacia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".