Städföretagaren Pamela Adolfsson är bekymrad för sina anställda. Foto: Anders Jelmin/Sveriges Radio.
Städföretagaren Pamela Adolfsson är bekymrad för sina anställda. Foto: Anders Jelmin/Sveriges Radio.
Nationalno

Kaj konchijpe o rut-avdrag maj cera neve firmi putren

4:38 min

O trendo po rut-firmi konchisajlas- thaj akana chi putren chi soske neve firmi kaj keren kherenge bucha.E Pamela Adolfsson kaj sila kidimaski-firma ando Ekerö, penel ke kado risiko lel effecto pe lako personalo.

-Amen si but kaj keren bucha kaj si anda kaver thema. Von chi vorbin mishto shvediska, ale kiden zurales mishto. So von kerna tena avla solbodo te keren buchi, me chi zanaf. Napevno pale kerna bucha po kalo, penel e Pamela Adolfsson.

Laki firma barilas zurales tela agorutne bersh thaj akana sila 17 zenen kaj keren lake buchi.

Sako bersh barolas intergo rut-sektor de sar o shaktosko avdarg pe kerenge bucha de ohto bersh avilas andre.

Kadal agorutne bersh mashkar 2011 thaj 2014, barile e firmi ande kadi brancha 9 procenti skao bersh, pala statestika kaj si ginadi avri katar o Skatteverket.

Feri kado bersh variso kerdjilas pe, feri dji kaj o Augusti kado bersh barilas 0,5 procenti. E vd ando Svenskt Näringsliv Carola Lemne penel ke kado- kado si viraznje ke le signalora kaj del o regeringo, del zuralo effecto.

Ando budgeto kaj persentulin lojine kamel o regeringo ando nevo bersh te aven maj cera rut-avdrag ande maj but bucha sar akana kaj si thaj e limita te avel dopash e chimin pe 25.000 koroni ande jekh bersh.

O Svenskt Näringsliv penel ke kadi si chorri desicija, thaj inke akana kana o Shvedo zukaren bari integratsia.

-But bucha si manushenge kas si maj skorto edjukatsija, vi shvedonge thaj vi le but manush kaj so avile ando them. Ame vorbisras pa 20.000 bucha ande brancha adjes thaj si inke potensialo pe 16.000 kadal bersh so aven. Te penes ke tena avel kado, thaj kames te avel maj cino bi-buchako them ande intrego Europa, si sar te des tu jekhezenes pushke ando punro, penel e Carola Lemne.

O LO dikel pe rut-bucha kaveres. O sherutno Karl-Petter Thorwaldsson del varningo ke shaj avla cino shunesko lov, thaj penel ke

-kado si jekh maripe kaj len si karing le chefora ando Shvedo aba 100 bersh ke kamen mindig maj cera shunesko lov te den. Thaj kole bershendar trubojas le thernjimaton maj cera love te den oud te len bucha, thaj akana kado djal avri pe manush kaj aven ando them thaj nashentar anda maripe thaj chorripe. Troma si avel te des kodolen kaj buchazin cino shunesko love kana si nevi insperatsia ande shvedisko buchako markando.

E Pamela Adolfsson kaj si la kidimaski -firma penel ke maj but so rumoj si ke chi zanen che regolora avna kaj shaj rumoj o rut-brancha. Sa daran, lenge kundora, lengo personalo thaj vi von kaj si chefora, kaj keren kontrolla ande peske kontraktora, thaj vi vorbisarde peske manushentsa kaj buchazin lenge te penen ke chi von chi zanen sar avla maj angel ke kam trubona te shuden tele unjen pa buchi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista