Foto: Kulturnytt
Foto: Kulturnytt

Kenjvengi exebicia shol fokuso po Ungro

Inkludacia pe Ungriska politikura
4:12 min

Zhojine kado kurko thaj trin djes maj angle zal e sako bersheski bokmässa vaj kenjvengi exebicia ando Göteborg. Thaj kadele bershesko them ando fokuso si o Ungro.

Ungro si les akanak jek centralno rolla ande nashutnengi krizisa akanak kaj si ande Europa.

E Maria Källsson si e responsibilno manushnji ande kenjvengi exebicia.

- Kusa o debatto kaj akanak si ande luma, kothe si o Ungro interesantno ande perspektiva krujal o pushipe pa e nashutne, thaj kade las e possibilita te zanas e manushen pala kado maj pashe thaj vi te las lengo patreto pa so kerdzol pe. Kado si zurales aktualno, phenel e Maria Källsson.

Pe kadale bersheski kenjvengi exebicia si unji nevimata ande sceni kaj avna po than. Sar exemplo avilas ande neve sceni pe deckarlitteratura, en psykologiaki scena, thaj jek po inkeripe trajoski vaj livstil.

Ferik ke pa soste vorbin majbut akanak si o fokusovano them kaj de anglal alosarde, o Ungro. O frilans-journalista o Olav Fumarola Unsgaard phendas sar exemplo ke pe kenvjengi exibicia te shon baro fokuso sar inkrel o Ungro e nashutnengo-kriziso, pala kodo ke o them ande andre maj zurale sakonura po azylo thaj shute opre taggtrådsstängsel, vaj kutsime drutura pasha granica karing e Serbia thaj zorasa kusa tårgas shude e azylanton pa than.

Ando nevipe ande kultura phendas e Bokmässans programosko chefo o Daniel Levin ke site kheren jek inkludacia pe ungriska politikura kaj avna po than, thaj ke vorbina pa e migraciako pushipe.

E Maria Källson phendas ke sar exemplo inkrena jek manifestacia khetanes kusa e Svedisko Khangeri.

- Jek manifestacia khetanes kusa e Svedisko Khangeri si startovano ande jek buchi kusa o ärkebiskop Antje Jackelén. Ferik ke kaj exaktnie avla thaj kana trobuj ame inke vrama te phenas tumenhe. Ame phenasa le ve progamoske punktura tumenge zi po agorutno, phenel e Maria Källsson.


Jek bari kaver tema pe kenvjengi exibicia kado bersh si e libertacia te phenel o manush so kamen vaj yttrandefrihet. E kenvjengi exibicia si la jek lungo tradicia te invitulij andre skiritoren kaj varesar sas shutino jek limita pe kodo so kamenas te phenel, e Maria Källsson. Sar exemplo invitulisarde angla kode andre le skiritores Salman Rushdie thaj Desmund Tutu.

Kado bersh avel pe vizita jek rusisko skiritori.

- Kado bersh avel e Masha Gessen. Voj chaches si exemplarno ande pushimata kaj naj slobodo te vazdes ande lako kherutno them e Russia. Voj si phuterdes homosexualno thaj las jek righ ande kado debatto. Voj si jek lasho exemplo acharav me, sar vazdas kado pushipe pa e prava te phenel so kamel o manush. Ferik ke vi ande but anda le debattura kaj si inkherde pe amare sceni thaj montrura, phenel e Maria Källsson, responsibilno pe kenjvengi exibicia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".