Erland Kaldaras, Fredrick Federley:Foto Rafal Szoppe SR Radio Romano
Erland Kaldaras aj Fredrick Federley kana o Romska Ungdomsförbundet las o Europeiska Medborgarpriset - Europaparlamentetspris :Foto Rafal Szoppe SR Radio Romano
Nationalno

Romska Ungdomsförbundet njirisardas jek pris

romska ungdomsförbundet europeiska medborgarpriset
3:39 min

Sako bersh o Europaparlamentet del avri o europeiska medborgarpriset.

Kado pris zal kaj manush, organizatcji, vaj fereningora so sikade baro angazemango karingk maj lasho chachipe aj atcaripe mashkar manush so si membrora ando EU. O Romska undomsförbundet njirisardas o Europeiska medborgarpriset - Europaparlamentets pris kado bersh. Si te shunas katar o Fredrick Federley europa parlamentariker so del avri kado pris sostar von kado pris line, av vi shunasa so penel o Erland Kalderas cherotno ando Romskaungdomsförbundet so las kado pris penel amenge.


ame but bersh dikas save grupi trobujas te ditcon avri ke keren lashi buci e integraciasa aj kaj keren lashi koperatcia ketane kavrentca. ame diklam pe romska ungdomsförbundet ke von keren lashi butci na feri te avel includatcia vi te avel e manushenge maj feder. Kado si adjes extra inportanto po but pushimata karingk e manglitora sas aj mansush vi agresivne kerdzile ande kadal butca karink lende aj o antiziganizmo vazdelpe krojal amende. Anda kado si amenge zurales inportanto o romska undomsförbundet aj lenge butca te len kado pris. Te shaj e romen aven sa kodol chachimata sar e kavren manushen ando Shvedo. Kado pendas amenge o Fredrick Federley so si Europa parlamentariker.

Ande motivatcia pe kado pris o europaparlameto penel ke o Romska ungdomsförbundet angazamango aj lashe butca te keren inportantne projektora kerde ke romande ternenge inkludacia si maj lashi ando Shvedo.

O Erland Kaldaras so si cherotno ando Romska ungdomsförbundet penel amenge ke kado pris von line ke kerde but bersh butci ande romane pushimata aj romane chachimata ando Shvedo aj vi ande kaver tema, von atcaren pe loshake ke e manush dikle lengi butci so von kerde ande kadal pushimata, aj akanak vi loshan ke but terne cirden pe andre ande kadal pushimata vi von te keren butci kadalesa. Von atcaren pe maj zurale adjes de sar sas de 15 bersh kodoleske.

Maj dur penel o Erland ke kado zurarel e romane organizatci so si, e manush diken ke si romane organizati so keren butci terne manushentca. Ando shvedo kado priso si feri avri dino trival aj von si zurales loshake kodolesa.

Kado bersh si 47 fereningora, organizatci vaj privatne manush katar Eu tema so len kado pris. Aj jek anda lende si o Romska ungdomsförbundet.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".