جائزة نوبل في الفيزياء للعام 2015 الى يابني وكندي مناصفة، عدسة رفند احمد/ الاذاعة السويدية
Nobel-priza ande fysika. Foto Sveriges Radio

Noblo ande Fysika anda buchi kusa Neutrini

Noblo ande fysika
2:40 min

Taakaki Kajita anda Japonia thaj o Arthur B MacDonald anda Kanada njerisarde adjes nobel priso ande Fysika.

Von njerisarde o priso anda kodo ke von arakhle avri nutrionoscillationer khaj sikavel ke e neutrinura inkren jekh massa.

Kado arakhajipe das jekh baro djanglipe ande pa neutriner so nas djanglo e manushenge thaj lengo sikajipe puterdas o vudar khaj kado djanglipe.

Neutriner si o maj normalno partiklo ande intrego universum thaj Neutriner si jekh massa khaj chi dichiol ande jekh numa kado massa si zurales vazno, ke te na avilov kadi massa chi phabilov o kham kade lungo vrama sar khaj phabol, phenel o profesori Lars Bergström so si sekretari ande noblosko komite ande Fysika.

Neutriner birin te paruven pengo identiteto tela pesko drom ando universim thaj kado sikavel ke si jekh chachi masa khaj e neutriner, thaj kado sikajipe si jekh zurales vazno fakto ande partikloski fysika.

Kado sikajipe ke si neutrinon jekh massa si jekh buchi so roditora chi pachanas, e fysikake roditora ghindonas karing 50 bersh ke nas jekh masa khaj neutroner.

O Takaaki Kajitaki rodimaski grupa dikhelas perdal e neutrinon ande atmosfera ande jekh zurales baro pajesko tanko so sas tela phuv thaj o Arthur B McDonald inkrelas jekh tanko kusa phari paji khaj dikhelas perdal e neutriner anda o kham.

Ande kado rodipe line von sama variso so sas chudno, thaj e chudno buchi sas kodo ke e neutrini parude pengo identiteto ande masa.

Thaj kado djanglipe parudas o intrego dikhipe sar o universum funktsionulij.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".