E trin so line Noblo ande Kemi. Foto: Fredrik Sandberg/TT
E trin so line Noblo ande Kemi. Foto: Fredrik Sandberg/TT

Shvedano ulavel o priso ande Kemi

Noblo ande Kemi
3:21 min

Tomas Lindahl (Shvedo) Paul Modrich (USA) thaj Aziz Sancar (Turcia & USA) ulaven o priso anda pengi buchi kusa dna reparatcia.

Trin manush ulaveln Noblosko priso ande Kemi, Thomas Lindahl, Paul Modrich thaj o Azizi Sancar.

Kadal trin anava ginadas adjes opre o Göran K Hansson so si o stalo sekretare ande Kungliga Vetenskapsakademin.

Lengi buchi kusa DNA reparatcia kerdas ke but manush birin te hasnin kodo ande sascharipe pe nasvalimata.

Dosha thaj dukhajimata kerdjion sako djes pe manushengo dna thaj te na avilov reparatcia pe manushenge dna avilov atunchi bari problematika e manushenca, phendas e sherutni ande Noblosko komiteto ande kemi e Sara Snogerup Linse, kana delas pe o priso.

Kodo ke jekh shvedano njerij Noblo ande Kemia si jekh supriso, ke naj but shvedanura so njerin kasavo priso.

Maj paluni data ke jekh shvedano njerisardas jekh noblosko priso ande kemi sas ando bersh 1948 thaj o Lindahl si o trito Shvedano ande Nobloski historia te lel priso ande Kemi.

Tomas Lindahl sas butivar ande spekulatci kana delas pe Noblo ande Kemi thaj kado bersh las vov kado priso.

Vov phendas adjes khaj Shvedicko radio ke vov loshal kadalesa thaj acharel ke kado das les jekh pindjaripe ande lesko buchi ande leski lungo kariera, vi te si kade ke leski kariera aba si po agor thaj ke vov si jekh pensionero.

O Aziz Sancar khaj sas o dujto anda e trin kerdas jekh dikhipe thaj skirisardas kodo tele e buchi sar o mekanismo ando celo kerel te lasharel kodo so si romusardo ande dna.

Manush so arakhadjion kusa defektci ande penge reparatciake systemura shaj te len morciako cancer ke e morci chi saschiarel pe.

O systemo si vi chachimasa te lashiaren e defektura khatar o thuv so e civari mukhen avri.

Paul Modrich sikadas sar o celo kerel lashiarel e dosha so kerdjion kana dna kerel popia pe peste kana e cela ulavel pe korkori.

O mekanismo mismatch repair kerel ke cinjiol o dna-kopia chore doshenca karing 1000:val pe chori frekvensia - felfrekvens.

Kodol so arakhadjion doshanca kusa mismatch repair kerel ke von butivar nasvajven kusa porengo cancer.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".