Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

"Trobuj maj but sporto mashkar e Rom"

Publicime onsdag 4 november 2015 kl 10.01
"Anda sa romane grupi aven ternimata ando boxingo"
(4:37 min)
Jan Ottosson mangel te avel jekh romani boxoski federatcia. Foto: Adam Szoppe/SR
Jan Ottosson mangel te avel jekh romani boxoski federatcia. Foto: Adam Szoppe/SR

Jan Ottosson kamel te pindjaraven pe maj but rom sar rom kana von si pindjarde ando sporto.

Jan Ottosson phenel ke o Boxingo del but sastipe thaj vi zhutipe ande studia ke ande boxi sitchiol pe o manush te inkrel o fokuso thaj kado zhutij vi pe intrego trajo.

Vov las sama ke so maj but rom aven ande kado sporto anda sa romane grupi thaj kamlov inke te aven maj but romane chavora ande boxo.

E dada thaj e deja naj so te daran kana e chavora len pe ando sporto ke anglunimastar naj chi sosko chacho maripe feri maj but sikavel pe teknika ando ringo.

Jan Ottosson phenel ke maj but dukhajimata kerdjion ando fotboll thaj hokey sar ande boxi zhi khaj e boxera si amatorura.

Jekh kaver dosh sostar maj but romane ternimata alon boxingo si kodo ke kado sporto naj kuch ke but bucha lel pe unzhule khatar o klubo thaj chi pochinel pe bare love sar ande kaver sportura.

Ando klubo so Ottosson kerel buchi, Narva BK pochinel pe karing 700 koroni pe jekh termina thaj shaj vi te lel pe zhutipe kusa subventcia pe kaver kosti.

Kana dikhel pe pe kaver sportura shaj jekh termino te kostulij ezera koroni, phenel o Jan Ottosson.

Thaj kado dichiol vi ande resultato ke so maj but rom kerdjion shvedicka championura phenel o Jan Ottosson.

Si vi kaver rom so sas shvedicka champinura thaj vi profesionalura phenel o Jan Ottosson o maj paluno khaj marlas pe sar oficialno rom sas o rom o Vulcano anda Italia.

Jan Ottosson phenel ke vov interesulij pe ande sportoski ljuma thaj te aven so maj but rom andre ando Sporto.

Vov kamel vi kodo te aven so maj but rom khaj pindjaraven pe sar rom kana sportulin ke kado si vazno e romenge ande lengo identiteto ke birin te dikhen thaj te phenen ke vi von shaj te nakhen sukseso kana von dikhen ke varikon kaver keren kodo.

Anda kodo zumavel akanak o Jan Ottosson kusa kaver rom anda 13 thema te keren jekh internationalno romano boxingosko khedipe te maren pe e maj lashie romane ternimata te birij pe te kerel pe jekh romani sportovo federatcia.

Ando Njamco djal akanak o Rukeli Trollman cup khaj si jekh boxingosko turneringo thaj kado turneringo kamel pe te anavel pe vi ande kaver thema ke o Rukeli Trollman sas jekh sinto khaj sas jekh lashio boxeri, njamcisko championi thaj sas pala kodo mudardo tela dujto ljumako maripe.

Pasha kodo zumavla pe te kerel pe jekh lashi romani grupa khaj phenena ke von si romane boxera.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".