Migrationsminister Morgan Johansson. Foto: Jessica Gow/TT och Anders Wiklund/TT
Migrationsminister Morgan Johansson. Foto: Jessica Gow/TT och Anders Wiklund/TT

Nakhlas e limita pe asylantonge thana

2:34 min

Adjes pendas o Morgan Johansson., migratsiako-ministro ke o shvedo aba das kaj e granjitsa pe situasia le kherengi le asylantonge.

Hibasin 20 000 evaquerings thana thaj trubon sigo te keren variso. Angla kodo pendas o Shvedo ke musaj te zutij thaj ke naj limita po zutipe. Feri adjes pendas o Morgan Johansson ke sam ande jekh akutno situasia ke resle kaj jekh limita.

- Le agorutne kurke diklam jekh dramatishno progresso. Pharesi te las andre maj buten kaj aven andre tela skorto vrama. But desiciji kaj lam ando zutipe chi den effekto pe tehara vaj po kaver shon, penel o Morgan Johansson kaj maj dur penel ke birisarde te den ezera manushen daho po chero iva sas phari situasia, thaj but keren buchi djes thaj rat te den rada ande kadi situasia, thaj o Shvedo sikadas peski maj lashi rig. Feri tela agorutno djes diklam zurales but avile andre, thaj e prognosa si ke site len andre karing 160 000 asylanton kado bersh, shoha nas kade but thaj inke opral le 80 000 kaj mangle asylo ando paluno bersh.

E ylva Johansson thaj e Åsa Regner sas le presskonferanso adjes thaj zurarde che phari situasiaj ando Shvedo akana. Shute jekh roditoros kaj pe maj lungo vrama site kerel planora sar site djelin mashkar le myndigheter, aktevitetora thaj kompensatsiji.

E Ylva Johansson thaj e Åsa Regner pende vi ke o Shvedo rodela zutipe anda Eus nödfond kaj site aven hasnime te keren thana, thaj vi te araken nevo systemo kaj te shun le chavoren kaj aven jekhzene ando them kaj si mashkar 16 thaj 20 bershenge, site avel le than supporto, thaj maj letko thaj lezno HBV-form sar kaj so sas.

O Shvedo lela andre karing 160 000 asylanton tela jekh bersh. Thaj le le manush kaj roden asylo krujal ando EU ginadjon ke avna ando nevo bersh 1,5 milijonora, pendas o Eu-komissia.

60 milijonora manush nashentar krujal ande luma akana, maj bari siffra de sar o dujto lumako maripe.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista