Foto: Hasse Holmberg/TT.
Foto: Hasse Holmberg/TT.

Cera ternimata den opre sexualne nasulimata

"Kana simas ando foro chupijas jekh muri bull"
2:09 min

Maj cera sar 10 procenti anda kodol ternimata so phiren po gymnasium khaj nakhle sexualne nasulimata vaj trakaserier den kodo opre.

Kado sikavel jekh rodipe khatar roditora pa Lunds universitet thaj Linköpings universitet po jekh mangipe khatar stiftelsen Allmäna Barnhuset.

Julia phenel ke butivar astaren mursh djuvlian djungales feri ke von chi den kodo opre.

Ande kado rodipe skrij pe ke e djuvliaora nakhenas kadal sexualne nasulimata pe trvialeste maj but.

Kado rodipe sas dikhlo pe 6000 ternimata pa intego shvedo so phirnas 3 bersh po gymnasium thaj kote phenenas e ternimata so von nakhenas.

Kote phenenas e ternimata ke manush azbanas len, ke manush nandjonas angla lende - blottning, zhi khaj sexualno zor.

Butivar kerdjon kadal nasul buchia khatar varikhon kon si ande lenge bersh thaj e djuvliora sas maj butivar tela trakaserier sar e murshora.

Thaj kado si problematicno ke internationalne studi sikaven ke kadal manush nakhen problemura, phenel Carl-Göran Svedin so si profesor ande chavorengi thaj ternengi psykologia ande Linköpings universitet.

But anda kadal nasul buchia so kerdjon si kerde thaj e maj phure manush chi djanen kanchi pa kado, feri 10 procenti phende ke von den opre kadal buchia khaj e policia vaj socialo feri ke maj butivar phenen e manush kado nasulipe peske amalenge.

Akanak kamel pe te vazdel pe opre informatciake buchia sar te sichion manush sar te kerel pe kana si te del pe opre buchia pa sexualne nasulimata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".